ଦଳ ବଦଳ କଲେ ସମବାୟ ସଂସ୍ଥାର ସମୃଦ୍ଧି ହୁଏ ନାହିଁ- କଂଗ୍ରେସ

ଭୁବନେଶ୍ୱର: ଉତ୍କଳ ଗୌରବ ମଧୁସୂଦନଙ୍କ ଭାଷାରେ ବ୍ୟକ୍ତିକୁ ଧର୍ମ ଓ ନୈତିକତା ବିଷୟରେ ଶିକ୍ଷା ଦେବା ପୂର୍ବରୁ ତାକୁ ଉନ୍ନତ ଜୀବନ ଶୈଳୀରେ ବଞ୍ôଚବାକୁ ସୁଯୋଗ ଦେବା ହିଁ ସମବାୟ । ରାଜ୍ୟର ଅର୍ଥନୈତିକ ଅଭିବୃଦ୍ଧି,ସାମଗ୍ରୀକ ବିକାଶ ଏବଂ ଦୁର୍ବଳ ବର୍ଗର ଲୋକମାନଙ୍କୁ ଆର୍ôଥକ କ୍ଷେତ୍ରରେ ସ୍ୱଚ୍ଛତା ଆଣିବା ସମବାୟ ଅନୁଷ୍ଠାନର ମହତ୍ୱପୂର୍ଣ୍ଣ ଭୂମିକା । ସମବାୟର ସଂଜ୍ଞା, ସ୍ୱରୂ, ଆଭିମୁଖ୍ୟ ଓ ସମବାୟ କ୍ଷେତ୍ରରେ ନିଷ୍ଠା,ସାଧୁତା ପ୍ରତି ଯତ୍ନଶୀଳ ହେଲେ ସମବାୟ ସଂସ୍ଥାଗୁଡ଼ିକର ବିକାଶ ହୋଇପାରିବ । ଗଣତନ୍ତ୍ରରେ ବିଭିନ୍ନ ରାଜନୈତିକ ଦଳ ଶାସନକ୍ଷେତ୍ରକୁ ଆସିବା ପରେ ସମବାୟ ସଂସ୍ଥାଗୁଡ଼ିକୁ କ୍ରିୟାଶୀଳ ଓ ସଶକ୍ତ କରୁଥିବା ପ୍ରୟାସ ନିଶ୍ଚିତ ଭାବରେ ସ୍ୱାଗତଯୋଗ୍ୟ ପଦକ୍ଷେପ । କେବଳ ଯେ ପାଳିକୁ ପାଳି ସୁବିଧା ଦେଖି ନିଜର ରାଜନୈତିକ ପତିଆରା ଅଭିବୃଦ୍ଧି ଓ ନିଜକୁ ଦୋଷରୁ ମୁକ୍ତି ଓ ସୁରକ୍ଷିତ ରଖିବା ପାଇଁ ସେହି ସଂସ୍ଥାର ଉନ୍ନତି ଓ ସଂସ୍ଥାରେ ନିୟୋଜିତ ଥିବା କର୍ମଚାରୀମାନଙ୍କ ପ୍ରଗତିକୁ ବାଦ୍ ଦେଇ ସଚ୍ଚା ସମବାୟବିତ୍ କହିଲେ କିମ୍ବା ଦଳ ବଦଳ କଲେ ସେହି ସମବାୟବିତ୍‌ମାନଙ୍କ ଦ୍ୱାରା କେବେ ବି ସମବାୟ ସଂସ୍ଥାର ବିକାଶ ହୋଇ ପାରିବନାହିଁ ବୋଲି କଂଗ୍ରେସ ପକ୍ଷରୁ ଓଡ଼ିଶା ପ୍ରଦେଶ କଂଗ୍ରେସ କମିଟି ସମବାୟ ପ୍ରକୋଷ୍ଠର ଅଧ୍ୟକ୍ଷ ଅମିୟ କୁମାର ପଟ୍ଟନାୟକ ଏକ ପ୍ରେସ ବିଜ୍ଞପ୍ତିରେ କହିଛନ୍ତି । ପ୍ରଥମେ ଟାଣୁଆ ସମବାୟବିତ୍ କହିବାକୁ ହେଲେ ଥରେ ନିଜର ଅଭିଜ୍ଞତାକୁ ଉପଲବ୍ôଧ କରି ଆତ୍ମ ସମୀକ୍ଷା କରିବା ଉଚିତ୍ । କିନ୍ତୁ ଆଜିର ଦିନରେ ସମବାୟରେ ‘ସ’ ଅକ୍ଷର ନ ଜାଣିଥିବା ଲୋକ ଅସଦ୍‌ଉପାୟରେ ଯେପରି ନିଜକୁ ସମବାୟବିତ୍ ବୋଲାଉଛନ୍ତି ତାହା କେବଳ କବିସୂର୍ଯ୍ୟ ବଳଦେବ ରଥଙ୍କ ଭାଷାରେ “ଜଗତେ କେବଳ ଜନେ ହସିବା କଥା । ସମବାୟ ସଂସ୍ଥା ଆଜି ବ୍ୟକ୍ତି କୈନ୍ଦ୍ରୀକ ଓ ରାଜନିତିର ଚାରଣଭୂମି ପାଲଟିଛି । ସଭ୍ୟମାନଙ୍କର ଯୋଗ୍ୟତା ଓ ଅଧିକାରକୁ ବାଦ୍ ଦେଇ ସମବାୟବିତ୍‌ମାନେ ସମବାୟର ଶ୍ରେଷ୍ଠନେତା ବୋଲାଉଛନ୍ତି ବୋଲି ସେ କହିଛନ୍ତି । ସମୟ ଆସିବ ଦଳ ବଦଳକାରୀ ସେହି ସମବାୟବିତ୍‌ମାନଙ୍କୁ ସମବାୟ କ୍ଷେତ୍ରରେ ଯେଉଁ ଉପହାର ପ୍ରଦାନ କରାଯିବ ସେହି ଉପହାର କେବେ ବି ବଜାରରେ ଉପଲବ୍ଧ ହେବା ସମ୍ଭବ ନୁହେଁ ବୋଲି ଅଧ୍ୟକ୍ଷ ଶ୍ରୀ ପଟ୍ଟନାୟକ କହିଛନ୍ତି ।