ନଈ ମଝିରେ ଥିବା ଟାପୁରେ ଫସିଗଲେ ଗୋରୁ ପଲ

କଟକ: ହଠାତ୍ ନଦୀରେ ମାଡ଼ି ଆସିଲା ପାଣି । ନଈ ମଝିରେ ଥିବା ଟାପୁରେ ଫସିଗଲେ ଗୋରୁ ପଲ । କଟକ ତ୍ରିଶୁଳିଆ ନିକଟରେ ଘଟିଛି ଏଭଳି ଘଟଣା । ହଠାତ୍‌ କାଠଯୋଡ଼ି ନଦୀରେ ପାଣି ବଢ଼ି ଯିବାରୁ ଫସି ଯାଇଛନ୍ତି ଗୋରୁ ପଲ । ତ୍ରିଶୁଳିଆ ବ୍ରିଜ ନିକଟ କାଜିପାଟଣା କାଠଯୋଡ଼ି ପଠାରେ ଗୋରୁପଲ ଫସି ରହିଥିବାର ଖବର ସାମ୍ନାକୁ ଆସିଛି ।ଚରିବାକୁ ଯାଉଥିବାବେଳେ ୨୦ରୁ ଅଧିକ ଗାଈ ପଲ କାଠଯୋଡ଼ି ମଧ୍ୟରେ ଫସି ଯାଇଥିବା ଦେଖିବାକୁ ମିଳିଛି । ପ୍ରଶାସନ ପକ୍ଷରୁ ଏବେ ଗୋରୁଙ୍କୁ ଉଦ୍ଧାର କରିବା ପାଇଁ ପ୍ରକ୍ରିୟା ଆରମ୍ଭ ହୋଇଛି ।