କାରରେ ଚାଲିଥିଲା ଗୋରୁ ଚାଲାଣ: ୨ ଗିରଫ

ଭଦ୍ରକ: କାର୍‌ରେ ଗୋରୁ ଚାଲିଥିଲା ଗୋରୁ ଚାଲାଣ । ଦୁଇ ଜଣଙ୍କୁ ଗିରଫ କରି ଜେରା କରୁଛି ପୋଲିସ । ସୂଚନା ମୁତାବକ , ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅଧିନ କାଉପୁର ଅଞ୍ଚଳରୁ ଚୋରାରେ ଗୋରୁ ଚାଲାଣ ହେଉଥିଲା । ଏ ସଂପର୍କରେ ଖବର ପାଇଥିଲା ପୋଲିସ । ଭଦ୍ରକ ସହରାଞ୍ଚଳ ଥାନା ଅଧିକାରୀ ଏକ ଟିମ୍‌ ନେଇ ଅଧାରାସ୍ତାରେ ଜଗିରହିଥିଲେ । ଏହି ସମୟରେ ଆସୁଥିବା ଏକ କାର୍‌କୁ ଅଟକାଇଥିଲେ । ପରେ ଯାଞ୍ଚ ସମୟରେ କାର୍‌ରୁ ୯ଟି ଗୋରୁ ଥିବା ଜଣାପଡିଥିଲା ।ଏହିସହିତ ଏହି ଚୋରା କାରବାରରେ ସାମିଲ ଥିବା ଦୁଇ ଜଣଙ୍କୁ ଗିରଫ ମଧ୍ୟ କରିଛି । ସେମାନଙ୍କୁ ଅଟକ ରଖି ଜେରା କରୁଛି ପୋଲିସ । ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ମଧ୍ୟ ତଦନ୍ତ ଜାରି ରଖିଛି ପୋଲିସ ।