ଭଦ୍ରକ: ବେଆଇନ ଗୋରୁ ଚାଲାଣ ହେଉଥିବା ଗୋରୁ ବୋଝେଇ ଗାଡି ଭଙ୍ଗାରୁଜା କରିଛନ୍ତି ଲୋକେ । ସେହି ଗାଡିରୁ ୧୧ ଗୋରୁ ଉଦ୍ଧାର ହୋଇଛନ୍ତି । ଗ୍ରାମାଞ୍ଚଳ ଥାନା ନିକଟ ଚାନ୍ଦିଆ ବାଲୁଅ ଛକ ନିକଟରେ ଏଭଳି ଘଟଣା ଘଟିଛି । ଘଟଣାସ୍ଥଳରୁ ଡ୍ରାଇଭର ଓ ହେଲପର ଫେରାର ହୋଇଯାଇଛନ୍ତି । ଘଟଣାସ୍ଥଳରେ ଚାପା ଉତ୍ତେଜନା ଥିବାରୁ ଗ୍ରାମାଞ୍ଚଳ ପୁଲିସ ମୁତୟନ ହୋଇଛନ୍ତି । ଗୋଟିଏ ଗାଡିରେ ୧୨ଟି ଗୋରୁ ବୋଝେଇ ହୋଇ ଆନନ୍ଦପୁରରୁ ଭଦ୍ରକ ଆସୁଥିବା ବେଳେ ସ୍ଥାନୀୟ ଲୋକମାନେ ଖବର ପାଇ ଗାଡିକି ପିଛା କରିଥିଲେ । ତାପରେ ବାଲୁଅ ଛକ ନିକଟରେ ଲୋକେ ଗାଡିକୁ ଅଟକାଇବା ସହ ଗାଡିକୁ ଭଙ୍ଗାରୁଜା କରିଥିବା ଜଣାଯାଇଛି ।
