ବରଯାତ୍ରୀଙ୍କ ଉପରକୁ ଚଢ଼ିଗଲା କାର: ୪ ମୃତ

ନୂଆଦିଲ୍ଲୀ: ରବିବାର ରାତିରେ ବରଯାତ୍ରୀଙ୍କ ଉପରେ ଚଢ଼ିଗଲା ଏକ ଦ୍ରୁତଗାମୀ କାର । ବିହାରର ବେଟିଆ ଜିଲ୍ଲାରେ ଏକ ବଡ଼ ଦୁଃଖଦ ଘଟଣା ଘଟିଛି ।   ଏହି ଭୟଙ୍କର ଧକ୍କାରେ ଚାରି ଜଣଙ୍କର ମୃତ୍ୟୁ ଘଟିଛି ଏବଂ ୧୨ରୁ ଅଧିକ ଗୁରୁତର ଆହତ ହୋଇଛନ୍ତି। ରିପୋର୍ଟ ଅନୁଯାୟୀ ବିବାହ ଶୋଭାଯାତ୍ରା ନାରକଟିଆଗଞ୍ଜର ମାଲଦାହିୟା ପୋଖରିଆରୁ ବିଶୁନପୁରୱାକୁ ଆସିଥିଲା। କାର୍ଯ୍ୟକ୍ରମ ଶେଷ ହେବା ପରେ ରାସ୍ତା ପାଖରେ ଅନେକ ଅତିଥି ଠିଆ ହୋଇଥିଲେ, ଯେତେବେଳେ ଦ୍ରୁତ ଗତିରେ ଆସୁଥିବା କାରଟି ସେମାନଙ୍କ ଉପରେ ଧକ୍କା ଦେଇଥିଲା। ମୋଟ ଷୋହଳ ଜଣ ଗୁରୁତର ଆହତ ହୋଇଥିବା ଜଣାପଡ଼ିଛି। ଚିକିତ୍ସା ସମୟରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ତିନି ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ପ୍ରାଥମିକ ଚିକିତ୍ସା ପରେ ସମସ୍ତଙ୍କୁ ବେଟିଆହ ଜିଏମସିଏଚକୁ ପଠାଯାଇଥିଲା। ଉଲ୍ଲେଖଯୋଗ୍ୟ, ସୂଚନା ପାଇବା ପରେ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି କାରଟିକୁ ଜବତ କରି ତଦନ୍ତ ଆରମ୍ଭ କରିଥିଲା।