ରୋହିତଙ୍କ କୀର୍ତ୍ତିମାନ

ରାଞ୍ଚି: ଦିନିକିଆରେ ରୋହିତ ଶର୍ମାଙ୍କ କୀର୍ତ୍ତିମାନ। ଆଜି ଭାରତ ଏବଂ ଦକ୍ଷିଣ ଆଫ୍ରିକାର ପ୍ରଥମ ଦିନିକିଆ ରାଞ୍ଚିର ଜେଏସସିଏ ଷ୍ଟାଡିୟମରେ ଚାଲିଛି। ୨୦ତମ ଓଭରରେ ରୋହିତ ଶର୍ମା ମାର୍କୋ ଜାନସେନଙ୍କ ବୋଲିଂରେ ଏକ ଛକା ମାରି ସର୍ବାଧିକ ଛକା ରେକର୍ଡ କରିଛନ୍ତି ରୋହିତ। ପର୍ବୂରୁ ପାକିସ୍ତାନୀ କ୍ରିକେଟର ଆଫ୍ରିଦିଙ୍କ ନାଁରେ ଥିବା ୩୫୧ ଦିନିକିଆ ଛକା ରେକର୍ଡକୁ ଟପିଲେ ରୋହିତ। ରେକର୍ଡ ଟପି ଦିନିକିଆରେ ୩୫୨ ଛକା ମାରି ବିରଳ କୀର୍ତ୍ତିମାନର ଅଧିକାରୀ ହୋଇଛନ୍ତି। ୩୩୧ ଛକା ସହ ତୃତୀୟ ସ୍ଥାନରେ କ୍ରିସ୍ ଗେଲ୍। ଇନିଂସର ୨୦ତମ ଓଭରରେ, ରୋହିତ ଶର୍ମା ମାର୍କୋ ଜାନସେନଙ୍କ ବଲରୁ ଏକ ଛକା ମାରି ଇତିହାସ ସୃଷ୍ଟି କରିଥିଲେ ଯାହା ତାଙ୍କର ୩୫୨ତମ ଦିନିକିଆ ଛକା ଥିଲା। ପୂର୍ବରୁ, ଶାହିଦ ଆଫ୍ରିଦି (୩୫୧ ଛକା) ଦିନିକିଆରେ ସର୍ବାଧିକ ଛକା ମାରିବାର ରେକର୍ଡ ରଖିଥିଲେ। ଆଫ୍ରିଦି ଗତ ୧୦ ବର୍ଷ ଧରି ବିଶ୍ୱ ରେକର୍ଡର ଅଧିକାରୀ ଥିଲେ ଏବଂ ରୋହିତ ଶର୍ମା ଏବେ ଏହି ରେକର୍ଡର ଅଧିକାରୀ ହୋଇଛନ୍ତି। ରୋହିତ ଶର୍ମାଙ୍କ ଏହି ବିଶ୍ୱ ରେକର୍ଡକୁ ବହୁ ବର୍ଷ ପର୍ଯ୍ୟନ୍ତ ଆଉ କେହି ଭାଙ୍ଗିପାରିବ ନାହିଁ, କାରଣ ସର୍ବାଧିକ ଦିନିକିଆରେ ଛକା ମାରିଥିବା ଶ୍ରେଷ୍ଠ ୧୦ ବ୍ୟାଟସମ୍ୟାନଙ୍କ ମଧ୍ୟରୁ ରୋହିତଙ୍କୁ ଛାଡି ଅନ୍ୟ ସମସ୍ତେ ଅବସର ନେଇସାରିଛନ୍ତି। ଭାରତ ୨୬.୩ ଓଭରରେ ତିନି ୱିକେଟ୍ ହରାଇ ୧୮୩ ରନ୍ କରିଛି। ବିରାଟ କୋହଲି ଏବଂ ୱାଶିଂଟନ୍ ସୁନ୍ଦର କ୍ରିଜ୍‌ରେ ଅଛନ୍ତି। ସେ ଲଗାତାର ଦୁଇଟି ଛକା ମାରି ତାଙ୍କର ୭୬ତମ ଏକଦିବସୀୟ ଅର୍ଦ୍ଧଶତକ ହାସଲ କରିଛନ୍ତି।