ଲକ୍ଷ୍ନୌ: ଉତ୍ତର ପ୍ରଦେଶର ଜୌନପୁର ଜିଲ୍ଲାରେ ଏକ ସୁଟକେସରୁ ମିଳିଥିବା ଝିଅର ମୃତଦେହ ମାମଲାରେ ସତ୍ୟ ସାମ୍ନାକୁ ଆସିଛି । ପୋଲିସର କହିବା ଅନୁଯାୟୀ, ପ୍ରେମିକାଟିକୁ ତାଙ୍କ ପ୍ରେମିକ ହତ୍ୟା କରିଥିବା ଜଣାପଡ଼ିଛି । ସେ ମୃତଦେହକୁ ଏକ ସୁଟକେସ୍ରେ ଭର୍ତ୍ତି କରି ହ୍ରଦ ପାଖରେ ଥିବା ଏକ ଗାତରେ ଫିଙ୍ଗି ଦେଇଥିଲେ । ପଚରାଉଚରା ସମୟରେ ଜଣାପଡିଲା ଯେ, ଅଭିଯୁକ୍ତ ପ୍ରେମିକ ମୃତଦେହ ପକାଇବା ପରେ ଜୌନପୁରରୁ ବନାରସ ଯାଇଥିଲା। ସେ ସେଠାରେ ଗଙ୍ଗା ନଦୀରେ ସ୍ନାନ କରି ମୁଣ୍ଡକୁ ଭଲ ଭାବରେ ମୁଣ୍ଡନ କରିଥିଲା ।
ଜୌନପୁରର ଭଣ୍ଡାରୀ ରେଳ ଷ୍ଟେସନ ନିକଟରୁ ପୋଲିସ ଅଭିଯୁକ୍ତ ଯୁବକକୁ ଗିରଫ କରିଛି । ତାଙ୍କଠାରୁ ହତ୍ୟାରେ ବ୍ୟବହୃତ ଜିନିଷପତ୍ର ମଧ୍ୟ ଜବତ କରାଯାଇଛି । ଶୁକ୍ରବାର ଦିନ ପୋଲିସ ଜୌନପୁର କୋତୱାଲି ଥାନା ଅଞ୍ଚଳ ଅନ୍ତର୍ଗତ ଜେସିଏସ୍ ଛକ ନିକଟରେ ଥିବା ଏକ ହ୍ରଦରୁ ଏକ ସୁଟକେସ୍ ଭିତରେ ଏକ ଝିଅର ମୃତଦେହ ଉଦ୍ଧାର କରିଥିଲା । ଜଣେ ଅଜଣା ଯୁବତୀଙ୍କ ମୃତଦେହ ମିଳିବା ପରେ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଥିଲା । ପୋଲିସ ମୃତଦେହକୁ ହେପାଜତକୁ ନେଇ ଫୋରେନସିକ୍ ଟିମ୍ ସହାୟତାରେ ତଦନ୍ତ ଆରମ୍ଭ କରିଛି । ପରେ ପୋଲିସ ଝିଅଟିର ମୃତଦେହକୁ ବାରାଣସୀର ବାସିନ୍ଦା ଅନନ୍ୟା ସାହାଣୀ ବୋଲି ଚିହ୍ନଟ କରିଥିଲା। ତେବେ ଯୁବକଜଣକ ବାରମ୍ବାର ମୁଣ୍ଡକୁ ପିଟି ହତ୍ୟା କରିଥିଲା ।
