ରାଞ୍ଚି : ଝାଡ଼ଖଣ୍ଡର ଖୁଣ୍ଟି ଜିଲ୍ଲାର ଏକ ଲୋମଟାଙ୍କୁରା ଘଟଣା ଘଟିଛି । ଏଠାରେ କଂସେଇ କାମ କରୁଥିବା ଜଣେ ଯୁବକ ନିଜ ଲିଭ୍ ଇନ୍ ପାର୍ଟନରକୁ ହତ୍ୟା କରିବା ପରେ ମୃତଦେହକୁ ୪୦ରୁ ୫୦ ଖଣ୍ଡ କରି ଫୋପାଡି ଦେଇଛି । ପୋଲିସ ବୁଧବାର ଦିନ ଏହି ହତ୍ୟାକାଣ୍ଡ ବିଷୟରେ ଖବର ପାଇବା ପରେ ଅଭିଯୁକ୍ତକୁ ଗିରଫ କରିଛି । ସୂଚନା ଅନୁଯାୟୀ, ଖୁଣ୍ଟି ଜିଲ୍ଲାର ୨୫ ବର୍ଷୀୟ ଯୁବକ ନରେଶ ଭେଙ୍ଗରା ଜଣେ ୨୪ ବର୍ଷୀୟ ଯୁବତୀଙ୍କ ସହ ପ୍ରେମ ସଂପର୍କରେ ରହିଥିଲେ । ଦୁହେଁ କିଛିଦିନ ହେବ ତାମିଲନାଡ଼ୁରେ ଲିଭ୍ ଇନ୍ ରିଲେସନସିପରେ ରହୁଥିଲେ । କିଛି ସମୟ ପୂର୍ବରୁ ସେ ଘରକୁ ଆସିଥିଲେ ଏବଂ ଅନ୍ୟ ଏକ ଝିଅକୁ ବିବାହ ମଧ୍ୟ କରିଥିଲେ ।
ଏହାପରେ ସେ ସ୍ତ୍ରୀକୁ ନ ନେଇ ତାମିଲନାଡ଼ୁ ଚାଲିଯାଇଥିଲେ । ଏହାର କିଛି ସମୟ ପରେ ଯୁବକ-ଯୁବତୀ ଖୁଣ୍ଟି ଜିଲ୍ଲାକୁ ଫେରିଥିଲେ । ହେଲେ ପ୍ରେମିକାକୁ ଘରକୁ ନ ନେବାକୁ ଚାହୁଥିଲେ । ପୋଲିସ କହିବାନୁଯାୟୀ, ଏହି ଯୁବକ ତାଙ୍କ ଲିଭ ଇନ ପାର୍ଟନରଙ୍କୁ କିଛି ନ ଜଣାଇ ଅନ୍ୟଜଣେ ଯୁବତୀଙ୍କୁ ବିବାହ କରିଥିଲେ । ନରେଶ ପୁଣି ତାମିଲନାଡୁ ଫେରି ସେହି ଯୁବତୀଙ୍କୁ ନିଜ ଗାଁ ଖୁଣ୍ଟିକୁ ଆଣିଥିଲେ । ପରେ ଯୁବତୀଙ୍କୁ ପାଖ ଜଙ୍ଗଲକୁ ନେଇ ତଣ୍ଟି ଚିପି ମାରିବା ପରେ ଜଙ୍ଗଲରେ ୪୦ ଖଣ୍ଡ କରି କାଟିବା ପରେ ଜନ୍ତୁ ଖାଇବା ପାଇଁ ଫୋପାଡି ଦେଇଥିଲେ । ବୁଲା କୁକୁରଙ୍କ ଯୋଗୁ ଧରା ପଡ଼ିଗଲା ଅଭିଯୁକ୍ତ । ସେ ମାଂସଖଣ୍ଡ ପକାଇଥିବା ସ୍ଥାନରେ ବୁଲା କୁକୁର ବୁଲି ଭୁକିଥିଲା ବୋଲି ସ୍ଥାନୀୟ ଲୋକ ଜାଣିବାକୁ ପାଇଥିଲେ ।
ଏହାପରେ ପୋଲିସକୁ ସୂଚନା ଦେଇଥିଲେ । ତେବେ ଏମିତି କାଣ୍ଡ କରିଥିବା ନରେଶ ତାମିଲନାଡୁରେ ଏକ କଂସେଇ ଦୋକାନରେ କାମ କରୁଥିଲେ । କୁକୁଡା କାଟିବାରେ ମାହିର ଥିଲା ନରେଶ । ତେଣୁ ପ୍ରେମିକାକୁ ହତ୍ୟା କରିବା ପରେ ୪୦ ରୁ ୫୦ ଖଣ୍ଡ କରି କାଟିଦେଇ ଜଙ୍ଗଲୀ ଜନ୍ତୁ ଖାଇବା ପାଇଁ ଛାଡିଦେଇଥିଲା । ପୋଲିସ ଏହା ଜାଣିବା ପରେ ହତ୍ୟାକାରୀ ନରେଶକୁ ଗିରଫ କରିଛି । ଗିରଫ କରିବା ପରେ ଅଧିକ ତଦନ୍ତ ଆରମ୍ଭ କରି ଯାଞ୍ଚ ଜାରି ରଖିଛି । ମାତ୍ର ୨୪ ନଭେମ୍ବରରେ ଘଟଣା ସାମନାକୁ ଆସିଥିଲା । ସୂଚନାଯୋଗ୍ୟ, ପୂର୍ବରୁ ଦିଲ୍ଲୀ ଏଭଳି ହତ୍ୟାକାଣ୍ଡ ଘଟିଥିଲା । ଶ୍ରଦ୍ଧା ୱାକର ନାମକ ଜଣେ ଯୁବତୀଙ୍କୁ ମାରିବା ପରେ ଟିକ୍ ଟିକ୍ କରି କାଟିଥିଲା ପ୍ରେମିକ ଆଫତାବ । ପୋଲିସ ଏହି ମାମଲାରେ ଯାଞ୍ଚ କରି ପ୍ରେମିକ ଆଫତାବକୁ ଗିରଫ କରିଥିଲା ।
