ଡ୍ରେନ ଅଘଟଣ: ଶବ ରଖି ରାସ୍ତାରୋକ

କଟକ: ଡ୍ରେନ କାମ ବେଳେ କାନ୍ଥ ପଡି ଶ୍ରମିକ ମୃତ୍ୟୁ ଘଟଣା । ବିଡାନାସୀ ଛକରେ ଶବ ରଖି ଲୋକଙ୍କ ରାସ୍ତାରୋକ । ସରକାରୀ ସୁବିଧା ଓ କ୍ଷତି ପୂରଣ ଦାବିରେ ରାସ୍ତାରୋକ ରଖିଲେ ଲୋକେ । ସୂଚନାଯୋଗ୍ୟ , ଗତକାଲି ଡ୍ରେନ କାମ ବେଳେ ଚାଲିଯାଇଥିଲା ଜଣଙ୍କ ଜୀବନ । ଏଭଳି ଅଭାବନୀୟ ଘଟଣା ଘଟିଥିଲା କଟକ ଜିଲ୍ଲା , ବିଡାନାସୀ ଅଞ୍ଚଳରେ । ଡ୍ରେନ କାନ୍ଥ ପଡି ଜଣେ ମୃତ , ୨ ଗୁରୁତର ଆହତ ହୋଇଥିବା ଖବର ସାମ୍ନାକୁ ଆସିଥିଲା । ଡ୍ରେନ କାମ ଚାଲିଥିବା ବେଳେ , ଏଭଳି ଘଟଣା ଘଟିଥିଲା । ତେବେ ଠିକାଦାର ଶ୍ରମିକ ମାନଙ୍କୁ କାମରେ ଲଗେଇଥିଲେ । ସ୍ଥାନୀୟ ଲୋକଙ୍କ କହିବା ମୁତାବକ କାନ୍ଥ ଟି ଦୁର୍ବଳ ଥିବାରୁ ଏଭଳି ଅଭାବନୀୟ ଘଟଣା ଘଟିଥିଲା । ତେବେ ଆଜି ଶବ କୁ ରାସ୍ତା ଉପରେ ରଖି ଦାବି କରାଯାଇଥିବା ଦେଖିବାକୁ ମିଳିଛି ।