ଯାଜପୁର : ବିରଜା ହାଟରେ ଦେଖାଦେଇଛି ଉତ୍ତେଜନା । ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ସ୍ଥିତି ଉପୁଜିଥିଲା । ଗତକାଲିର ଉତ୍ତେଜନା ପରେ ଦୁଇ ପ୍ଲାଟୁନ ପୁଲିସ ହାଟରେ ମୁତୟନ ଅଛନ୍ତି । ପୁଲିସ ଉପସ୍ଥିତିରେ ସ୍ଥିତି ଅନିୟନ୍ତ୍ରଣ ରହିଛି । ଯେଉଁ ହଙ୍କଳର ନେଇ ବିରୋଧ ହୋଇଥିଲା , ସେହି ହାଟରେ ପରିବା ଧରି ବସିଛନ୍ତି ବେପାରୀ । ଅନ୍ୟପଟେ ହାଟକୁ ବିରୋଧ କରି ରାସ୍ତା ଉପରେ ବସିଠନ୍ତି ଅନ୍ୟ ଗୋଷ୍ଠୀ ଲୋକ । ଯାଜପୁର- ସିଙ୍ଗପୁର ରାସ୍ତା ଅବରୋଧ କରିଛନ୍ତି ଅନ୍ୟ ଗୋଷ୍ଠୀର ଲୋକ । ଏନେଇ ଘଟଣାସ୍ଥଳରେ ପ୍ରବଶ ଅଶାନ୍ତ ଦେଖାଦେଇଛି । ଗତକାଲି ଧର୍ମଶାଳା ବିଧାୟକଙ୍କୁ ନେଇ ଆରମ୍ଭ ହୋଇଛି ଏହି ବିବାଦ । ଘଟଣାରେ ୬ ଜଣଙ୍କୁ ଅଟକ ରଖିଛି ପୋଲିସ । ବିରଜା ହାଟ ସାମୟିକ ଭାବେ ବନ୍ଦ କରିଛନ୍ତି ପ୍ରଶାସନ । ସାମୟିକ ଭାବେ ବନ୍ଦ ଘୋଷଣା ନିର୍ଦ୍ଦେଶ ଦେଇଛନ୍ତି ଉପଜିଲ୍ଲାପାଳ । ହାଟ ସପକ୍ଷବାଦୀ ଓ ବିପକ୍ଷବାଦୀ ମୁହାଁମୁହିଁକୁ ଦେଖି ଏଭଳି ନିଷ୍ପତ୍ତି ନିଆଯାଇଛି ।
