ବାଇକକୁ ପିଟିଲା ଟ୍ରକ୍: ୪ ମୃତ

କୋରାପୁଟ: କୋରାପୁଟ ଜୟପୁର ଜବାକର୍ଣ୍ଣାଡ଼ି ଅଞ୍ଚଳରେ ଭୟାନକ ଦୁର୍ଘଟଣା। ବାଇକକୁ ପିଟିଲା ଟ୍ରକ। ଘଟଣା ସ୍ଥଳରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଥିବା ନେଇ ସୂଚନା ରହିଛି । ଗୋଟିଏ ବାଇକରେ ୪ ଜଣ ବସି ଯାଉଥିବା ବେଳେ ଟ୍ରକ ସହିତ ପିଟି ହୋଇଥିଲା। ଜଣେ ଗୁରୁତରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ତାଙ୍କର ବି ମୃତ୍ୟୁ ହୋଇଛି। ଟ୍ରକଟି ବୈପାରୀଗୁଡ଼ାରୁ ଜୟପୁର ଅଭିମୁଖେ ଆସୁଥିଲା । ବାଇକଟି ବିପରୀତ ଦିଗରେ ଯାଉଥିବା ବେଳେ ଧକ୍କା ହୋଇଥିଲା । ତେବେ ଏପର୍ୟ୍ୟନ୍ତ ମୃତକ ଓ ଆହତଙ୍କ କୌଣସି ପରିଚୟ ମିଳିପାରିନଥିବାର ସୂଚନା ରହିଛି ।