ନିଜ ଦେହରେ କିରୋସିନି ଢାଳି ନିଆଁ ଲଗାଇଥିଲେ ବଳଙ୍ଗା ପୀଡ଼ିତା

ଭୁବନେଶ୍ୱର: ନିଜ ଦେହରେ ନିଜେ କିରୋସିନି ଢାଳି ନିଆଁ  ଲଗାଇଥିଲେ ବଳଙ୍ଗା ପୀଡିତା । ଏଭଳି କିଛି ତଥ୍ୟ ବିଧାନସଭାରୁ ଆସିଛି ।ବିଜେଡି ବିଧାୟକ,  ଅନନ୍ତ ନାରାୟଣ ଜେନା ଏନେଇ ପ୍ରଶ୍ନ କରିଥିଲେ । ଯାହାର ଉତ୍ତର ରଖିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ । ପଚାରିଥିଲେ ଯେ, ବଳଙ୍ଗା ପୀଡିତାଙ୍କ ଘଟଣାରେ ୩ ଜଣ ଦୁର୍ବୃତ୍ତ  ସମ୍ପୃକ୍ତି ଅଛି ବୋଲି ପୀଡିତା ବୟାନ ଦେଇଥିଲେ କି?  ନା ଅନ୍ୟ କେହି ସାକ୍ଷୀ ନଥିବା  ଜାଣି  ପୁଲିସ ପ୍ରକୃତ ଅପରାଧୀଙ୍କୁ  ସୁରକ୍ଷା ଦେବାକୁ ଚେଷ୍ଟା କରିଥିଲା ?  ଏ ସମ୍ପର୍କରେ ଲିଖିତ ଉତ୍ତର ରଖି  ମୁଖ୍ୟମନ୍ତ୍ରୀ  ମୋହନ ଚରଣ ମାଝୀ  କହିଥିଲେ ,  ଜୁଲାଇ ୧୯ ତାରିଖରେ  ପୁରୀ  ବଳଙ୍ଗା  ଥାନାରେ ପୀଡିତାଙ୍କ ମାଆ    ଅଭିଯୋଗ କରିଥିଲେ । କିଛି ଅଜଣା  ଲୋକ ତାଙ୍କ ଝିଅକୁ  ବଳପୂର୍ବକ ନଦୀ କୂଳକୁ ନେଇ  କିରୋସିନି ଏବଂ ପେଟ୍ରୋଲ ଢାଳି ହତ୍ୟା କରିବାକୁ ଚେଷ୍ଟା କରିଥିଲେ ।ଏହି ଆଧାରରେ ମାମଲା ରୁଜୁ କରାଯାଇ ତଦନ୍ତ କରାଯାଇଥିଲା ।  ପରେ ପରେ  ପୀଡିତାଙଅକ ଚିକିତ୍ସା ପାଇଁ ତାଙ୍କୁ ଦିଲ୍ଲୀ ଏମ୍ସକୁ ପଠାଯାଇଥିଲା ।