ଅଟୋ ଡ୍ରାଇଭରଙ୍କ ଗଳା କାଟି ହତ୍ୟା

ରାୟଗଡ଼ା: ରାୟଗଡା ଜିଲ୍ଲା କାଶୀପୁର ବ୍ଲକ କଂସାରିଗୁଡ଼ା ନିକଟ ଫୁଲଜବା ମୁଖ୍ୟ ରାସ୍ତାରେ ଏକ ଯୁବକଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି। ମୃତକ ହେଉଛନ୍ତି ବନ୍ଧୁଗାଁ ଗାରିଡ଼ି ଗ୍ରାମର କୁସୁମଲ ଖରାଙ୍କ ପୁଅ ବଳରାମ ଖରା । ସେ ଜଣେ ଅଟୋ ଚାଳକ। ବଳରାମ ରାତ୍ର ପ୍ରାୟ ୮ଟା ବେଳେ ନିଜ ଅଟୋରେ ଫେରୁଥିବା ସମୟରେ ତାଙ୍କୁ ହତ୍ୟା କରାଯାଇଥିବା ନେଇ ସନ୍ଦେହ କରାଯାଉଥିବା ପୁଲିସ ପକ୍ଷରୁ ସୂଚନା ମିଳିଛି। ଏ ନେଇ କୌଣସି ସ୍ପଷ୍ଟୋକ୍ତି ମିଳିନଥିବା ବେଳେ ମୃତ ବଳରାମଙ୍କ ସ୍ତ୍ରୀ ଟିକିରି ଥାନାରେ ଏ ନେଇ ଏକ ଏତଲା ଦେଇଛନ୍ତି। ଭଡା ପାଇଁ ଡାକି ଗଳା କାଟିଦେଇଛନ୍ତି ଦୁର୍ବୃତ । ଉକ୍ତ ଘଟଣାସ୍ଥଳରେ ସାଇଣ୍ଟିଫିକ ଟିମ୍ ମଧ୍ୟ ପହଞ୍ଚି ଘଟଣା ବିଷୟରେ ଅନୁସନ୍ଧାନ କରୁଥିବା ଜଣା ପଡ଼ିଛି। କିନ୍ତୁ ଏ ପର୍ଯ୍ୟନ୍ତ ଯୁବକଙ୍କୁ କିଭଳି ମୃତ୍ୟୁ ଘଟିଛି ଓ କିଏ ହତ୍ୟାକାରୀ ସେ ନେଇ କୌଣସି ସୂଚନା ମିଳିନାହିଁ।