ମୋଦି ସରକାରଙ୍କ ଐତିହାସିକ ନିଷ୍ପତ୍ତି- ଅମିତ ଶାହ

ନୂଆଦିଲ୍ଲୀ: ଆଗାମୀ ଜନଗଣନାରେ ଜାତିଗତ ଜନଗଣନା କରିବା ପାଇଁ କେନ୍ଦ୍ର ସରକାରଙ୍କ ନିଷ୍ପତ୍ତି ଉପରେ ଗୃହମନ୍ତ୍ରୀ ଅମିତ ଶାହ କହିଛନ୍ତି, “ସାମାଜିକ ନ୍ୟାୟ ପ୍ରତି ପ୍ରତିବଦ୍ଧ ମୋଦି ସରକାର ଆଜି ଏକ ଐତିହାସିକ ନିଷ୍ପତ୍ତି ନେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଆଜି ଅନୁଷ୍ଠିତ ସିସିପିଏ ବୈଠକରେ ଆଗାମୀ ଜନଗଣନାରେ ଜାତିଗତ ଜନଗଣନାକୁ ଅନ୍ତର୍ଭୁକ୍ତ କରିବାକୁ ନିଷ୍ପତ୍ତି ନେଇ ସାମାଜିକ ସମାନତା ଏବଂ ପ୍ରତ୍ୟେକ ବର୍ଗର ଅଧିକାର ପ୍ରତି ଦୃଢ଼ ପ୍ରତିବଦ୍ଧତାର ବାର୍ତ୍ତା ଦିଆଯାଇଛି। କଂଗ୍ରେସ ଏବଂ ଏହାର ସହଯୋଗୀମାନେ ଦଶନ୍ଧି ଧରି କ୍ଷମତାରେ ଥିବା ସମୟରେ ଜାତିଗତ ଜନଗଣନାକୁ ବିରୋଧ କରିଥିଲେ ଏବଂ ବିରୋଧୀ ଦଳରେ ଥିବା ସମୟରେ ଏହା ଉପରେ ରାଜନୀତି କରିଥିଲେ। ଏହି ନିଷ୍ପତ୍ତି ସମସ୍ତ ଆର୍ଥିକ ଏବଂ ସାମାଜିକ ଭାବରେ ପଛୁଆ ବର୍ଗଙ୍କୁ ସଶକ୍ତ କରିବ, ଅନ୍ତର୍ଭୁକ୍ତିକୁ ପ୍ରୋତ୍ସାହିତ କରିବ ଏବଂ ବଞ୍ଚିତଙ୍କ ପ୍ରଗତି ପାଇଁ ନୂତନ ପଥ ପ୍ରଶସ୍ତ କରିବ।”