ଅଚ୍ୟୁତ ସାମନ୍ତଙ୍କୁ ତୁରନ୍ତ ଗିରଫ କରାଯାଉ: ତାରା

ଭୁବନେଶ୍ୱର: ଗୃହରେ ପ୍ରଶ୍ନକାଳ ସମୟରେ ବିଧାନସଭାରେ ପ୍ରଶ୍ନ ଉଠାଇଲେ କଂଗ୍ରେସ ବିଧାୟକ ତାରା । ନେପାଳ ଦେଶର ଛାତ୍ରଛାତ୍ରୀମାନଙ୍କୁ ନିର୍ଯାତନା ଦିଆଯାଇଛି । ନେପାଳ ଓ ଭାରତର ସମ୍ପର୍କ ଗୋଟେ ପଟେ ନେପାଳ ଓ ଓଡିଶାର ସମ୍ପର୍କ ଅନ୍ୟପଟେ ଏକ ଅନ୍ତରର ସମ୍ପର୍କ । ଯଦି ଭାବୁଛନ୍ତି କୀଟ ସହ ମୋର ସମ୍ପର୍କ ଖରାପ ତାହା ନୁହେଁ । ଅନେକ ଆଦିବାସୀ ପିଲା ପାଠ ପଢୁଛନ୍ତି ମୋ ନିର୍ବାଚନ ମଣ୍ଡଳୀର ପିଲା ମଧ୍ୟ ପଢୁଛନ୍ତି ଏବଂ ମୁ ତାକୁ ସ୍ୱାଗତ କରୁଛି । ଗତ ୧୭ ତାରିଖରେ ଯେଉଁ ଘଟଣା ଘଟିଲା ତାପରେ ଯେଉଁ ନେପାଳୀ ପିଲାମାନଙ୍କୁ ମାରି ମାରି ପଠାଇଦିଆଗଲା ତାହା ଅତ୍ୟନ୍ତ ଦୁଃଖଦାୟକ । ଜଗନ୍ନାଥଙ୍କ ନାମରେ ଯିଏ ଶୋଷଣ କରିବା ସିଏ ଦିନେ ନ ଦିନେ ଲୋକଲୋଚନକୁ ଆସିବା । ଯଦି କରିଥାନ୍ତ ପୁରା ବିଶ୍ବବିଦ୍ୟାଳୟକୁ ସାଇନ୍-ଏ- ଡ଼ାଏ ଘୋଷଣା କରିଥାନ୍ତ କାହିଁକି କେବଳ ନେପାଳ ଛାତ୍ରଛାତ୍ରୀଙ୍କ ପାଇଁ ସାଇନ୍-ଏ- ଡ଼ାଏ ଘୋଷଣା କରାଯାଇଥିଲା ? ଏହା କେବଳ ଓଡ଼ିଶାର ଘଟଣା ନୁହେଁ ଏହା ଅନ୍ତର୍ଜାତୀୟ ଦୁର୍ଘଟଣା । ଯଦି ଆମେ ବିଦେଶୀ ପିଲାଙ୍କୁ ସୁରକ୍ଷା ଦେଇପାରିବୁ ନାହିଁ ତେବେ ଆମ ପିଲାଙ୍କୁ ବିଦେଶରବ କିଏ ସୁରକ୍ଷା ଦେବା? ଦୁର୍ଘଟଣା ପରେ କେତେ ଜଣଙ୍କୁ ଗିରଫ କରାଯାଇଛି ? ଅଚ୍ୟୁତ ସାମନ୍ତଙ୍କୁ କାହିଁକି ଗିରଫ କରାଯାଇନାହିଁ ? ତାଙ୍କୁ ତୁରନ୍ତ ଗିରଫ କରାଯାଉ ଏବଂ ଜୁଡ଼ିସିଆରୀ ଇନକୁଆରୀ କରାଯାଉ , ନଚେତ ଆମେ ଧାରଣାରେ ବସିବୁ ।