ନୂଆଦିଲ୍ଲୀ : ଗର୍ଭବତୀ ପତ୍ନୀଙ୍କୁ କାରରେ ନେଇଯାଉଥିବା ବେଳେ ସ୍ୱାମୀର ମୃତ୍ୟୁ ହୋଇଛି । ଏଭଳି ଘଟଣା ମଧ୍ୟପ୍ରଦେଶର ଭୋପାଳରେ ଘଟିଛି । ଯେତେବେଳେ ସ୍ତ୍ରୀକୁ ମେଡିକାଲ ନେଇଯାଉଥିଲେ ପଛପଟୁ ଏକ କାର ଆସି ବାଡେଇ ହୋଇଛି । ଫଳରେ ସ୍ୱାମୀଙ୍କ ମୃତ୍ୟୁ ହୋଇଛି । ପ୍ରାୟ ୧ ଘଣ୍ଟା ପରେ ତାଙ୍କ ସ୍ତ୍ରୀ ଏକ କନ୍ୟା ସନ୍ତାନ ଜନ୍ମ କରିଥିଲେ । ରିପୋର୍ଟ ଅନୁସାରେ ଜଣପଡିଛି , ଜାନୁଆରୀ ୨୧ ବିଳମ୍ବିତ ରାତିରେ ଗର୍ଭବତୀ ପତ୍ନୀ ବହୁତ ଯନ୍ତ୍ରଣା ଅନୁଭବ କରିଥିଲେ । ତାପରେ ତାଙ୍କ ସମ୍ପର୍କୀୟ ଏବଂ ଘର ଲୋକ ମିଳି ତାଙ୍କୁ କାରରେ ମେଡିକାଲ ନେଇଯାଉଥୁଲେ । ଏହା ପରେ ଡିଭାଉଡରରେ ଧକ୍କା ହୋଇ ତାଙ୍କ ସ୍ୱାମୀଙ୍କ ମୃତ୍ୟୁ ହୋଇଛିି । ତାଙ୍କୁ ଆମ୍ବୁଲାନ୍ସ ଯୋଗେ ମେଡିକାଲ ନିଆଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏକ ଘଣ୍ଟା ପରେ ମହିଳା ଜଣଙ୍କ କନ୍ୟା ସନ୍ତାନକୁ ଜନ୍ମ ଦେଇଥିଲେ । ଛୁଆ ବର୍ତ୍ତମାନ ସୁରକ୍ଷିତ ଏବଂ ସୁସ୍ଥ ଥିବା ଜଣାପଡିଛି ।
ପତ୍ନୀକୁ ଡାକ୍ତରଖାନା ନେବାବେଳେ ଦୁର୍ଘଟଣା : ସ୍ୱାମୀ ମୃତ
