ଆଧାରକାର୍ଡ ସଂଶୋଧନ ପାଇଁ ଦଳାଚକଟା

ସୋର : ସୋରରେ ଆଧାରକାର୍ଡ ସଂଶୋଧନ ପାଇଁ ଦଳଚକଟା । ସୁଭଦ୍ରା ଯୋଜନାରେ ଆବେଦନ କରିବାକୁ ଆଧାରକାର୍ଡ ସଂଶୋଧନ ପାଇଁ ଏପରି ପରିସ୍ଥିତି ଦେଖିବାକୁ ମିଳିଛି । ରାତି ପାହିବା ଆଗରୁ ଜନସେବା କେନ୍ଦ୍ର ଓ ଡାକଘର ଆଗରେ ଲାଗିଛି ଲମ୍ବା ଲାଇନ । ଏମିତିକି ଠେଲାପେଲା ସହ ଦଳଚକଟା ସ୍ଥିତି ବି ଉପୁଜିଛି । ଯାହାକୁ ନେଇ ତୀବ୍ର ଅସନ୍ତୋଷ ପ୍ରକାଶ ପାଇଛି। ସୁଭଦ୍ରା ଯୋଜନାରେ ଆବେଦନ କରିବାକୁ ଆଧାର କାର୍ଡରେ ସଂଶୋଧନ ଆବଶ୍ୟକ ପଡ଼ୁଛି । କିଏ ଫୋନ ନମ୍ବର ଲିଙ୍କ କରିବାକୁ ତ ଆଉ କିଏ ନାଁ ସଂଶୋଧନ କରିବାକୁ ଲମ୍ବା ଲାଇନରେ ଠିଆ ହେଉଛି । ଏପରିକି ଆଧାର ସାଇଟ ମଧ୍ୟ କାମ କରୁନି । ଆବଶ୍ୟକ ଭିତ୍ତିଭୂମି ନଥିବାରୁ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି ।