ବାଲେଶ୍ୱର : ଭାରସାମ୍ୟ ହରାଇ ଡାଇଭର୍ସନକୁ ଧକ୍କା ଦେଇ ଜାତୀୟ ରାଜପଥରୁ ତଳରୁ ଓଲଟିଲା ପିଆଜ ଟ୍ରକ । ବାଲେଶ୍ୱର ଜିଲ୍ଲା ବସ୍ତା ଥାନା ଅନ୍ତର୍ଗତ ୬୦ ନମ୍ବର ଜାତୀୟ ରାଜପଥର ଭେଲୋରା ଛକରେ ଏହି ଦୁର୍ଘଟଣା ଘଟିଛି । ଆହତ ଡ୍ରାଇଭର ଓ ହେଲପରଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ଆଜି ସକାଳେ ବାଲେଶ୍ୱରରୁ ପିଆଜ ବୋଝେଇ କରି ଜଳେଶ୍ୱର ଅଭିମୁଖେ ଯାଉଥିଲା । ଏହି ସମୟରେ ଭେଲୋରା ଛକରେ ଟ୍ରକଟି ଭାରସାମ୍ୟ ହରାଇ ଡାଇଭର୍ସନାକୁ ଧକ୍କା ଦେଇ ଜାତୀୟ ରାଜପଥରୁ ତଳକୁ ଓଲଟି ପଡିଥିଲା । ଦୁର୍ଘଟଣାରେ ହେଲପର ଓ ଡ୍ରାଇଭର ଗୁରୁତର ଆହତ ହୋଇଥିଲେ । ପୁଲିସ ଆହତମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ବସ୍ତା ପୁଲିସ ଗାଡିକୁ ଜବତ କରି ଘଟଣାର ତଦନ୍ତ କରୁଛି ।
