ଇଣ୍ଡୋନେସିଆରେ ୭.୪ ତୀବ୍ରତାଯୁକ୍ତ ଭୂକମ୍ପ ଅନୁଭୂତ

ନୂଆଦିଲ୍ଲୀ: ଇଣ୍ଡୋନେସିଆରେ ପ୍ରବଳ ଭୂମିକମ୍ପ ଝଟକା ଅନୁଭୂତ । ରିକ୍ଟର ସ୍କେଲରେ ଏହାର ତୀବ୍ରତା ୭.୪ ରହିଥିଲା । ଏହି ଭୁମିକମ୍ପ ପରେ ସୁନାମି ଚେତାବନୀ ମଧ୍ୟ ଜାରି କରାଯାଇଥିଲା ।ଭୂମିକମ୍ପ ପରେ ସୁନାମି ଚେତାବନୀ ଜାରି କରାଯାଇଛି। ଆମେରିକା ସୁନାମି ସତର୍କତା ପ୍ରଣାଳୀ ଏକ ସତର୍କତା ଜାରି କରି କହିଛି ଯେ, ଭୂମିକମ୍ପ ସମୁଦ୍ରରେ ବିପଜ୍ଜନକ ଲହରୀ ସୃଷ୍ଟି କରିପାରେ, ଯାହା ନିକଟବର୍ତ୍ତୀ ଉପକୂଳ ଅଞ୍ଚଳକୁ ପ୍ରଭାବିତ କରିପାରେ। ଇଣ୍ଡୋନେସିଆର ଉପକୂଳ ଅଞ୍ଚଳ, ଫିଲିପାଇନ୍ସ ଏବଂ ମାଲେସିଆରେ ସୁନାମି ବିପଦକୁ ବିଶେଷ ଭାବରେ ସତର୍କ କରାଯାଇଛି। ଏଜେନ୍ସି ଅନୁଯାୟୀ, ଭୂମିକମ୍ପ କେନ୍ଦ୍ରଠାରୁ ପ୍ରାୟ ୧,୦୦୦ କିଲୋମିଟର ପରିଧି ମଧ୍ୟରେ ଥିବା ଅଞ୍ଚଳଗୁଡ଼ିକରେ ଲୋକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇଛି ।ପୂର୍ବ ଇଣ୍ଡୋନେସିଆର ଟେର୍ନାଟେ ସହର ଏବଂ ଏହାର ଆଖପାଖ ଦ୍ୱୀପପୁଞ୍ଜ ପାଇଁ ଏକ ସ୍ୱତନ୍ତ୍ର ସତର୍କ ସୂଚନା ଜାରି କରାଯାଇଛି। ସ୍ଥାନୀୟ କର୍ତ୍ତୃପକ୍ଷଙ୍କୁ ସତର୍କ କରାଯାଇଛି, ଏବଂ ଲୋକମାନଙ୍କୁ ବେଳାଭୂମିରୁ ଦୂରେଇ ରହିବାକୁ ଅନୁରୋଧ କରାଯାଇଛି। ଭୂମିକମ୍ପରେ ବଡ଼ ଧରଣର ମୃତାହତ କିମ୍ବା ସମ୍ପତ୍ତି କ୍ଷୟକ୍ଷତିର କୌଣସି ସରକାରୀ ରିପୋର୍ଟ ମିଳି ନଥିବା ବେଳେ, ପରିସ୍ଥିତି ଉପରେ କଡ଼ା ନଜର ରଖାଯାଇଛି ।