ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଇସ୍ରାଏଲୀ ସେନା ଦକ୍ଷିଣ ଲେବାନନରେ, ଉତ୍ତର ଇସ୍ରାଏଲର ହିଜବୋଲା ଉପରେ ପ୍ରାୟ ୧୦୦ ରକେଟ ମାଡ କରାଯାଇଛି । ଗୁରୁବାର ଶୁକ୍ରବାର ମଧ୍ୟ ହିଜବୋଲା ଏବଂ ଇସ୍ରାଏଲୀ ସେନା ମଧ୍ୟରେ ଆକ୍ରମଣ ଜାରି ରହିଛି । ଯାହା ଲୋକଙ୍କ ମନରେ ଭୟର ବାତାବରଣ ସୃଷ୍ଟି ହୋଇଛି । ଅଲଜାଜିରା ରିପୋର୍ଟ ଅନୁଯାୟୀ, ଗୁରୁବାର ସନ୍ଧ୍ୟା ପର୍ଯ୍ୟନ୍ତ ଦକ୍ଷିଣ ଲେବାନନରୁ ଉତ୍ତର ଇସ୍ରାଏଲ ଆଡକୁ ୧୦୦ ରକେଟ ମାଡ କରାଯାଇଥିଲା । ଯୁଦ୍ଧ ସମୟରେ ଇସ୍ରାଏଲୀ ସେନାର ବହୁ କ୍ଷତି ହୋଇଥିବା ଜଣା ପଡିଛି । ଏକ ଟ୍ୟାଙ୍କ ଆଣ୍ଟି- ଟ୍ୟାଙ୍କ କ୍ଷେପଣାସ୍ତ୍ର ଏକ ଟ୍ୟାଙ୍କ ଉପରକୁ ଆକ୍ରମଣ କରିଥିଲା । ଯେଉଁଥିରେ ଜଣେ ଇସ୍ରାଏଲୀ ସୈନିକଙ୍କ ମୃତ୍ୟୁ ହୋଇଥିଲା । ଅନ୍ୟ ଦୁଇ ଜଣ ଆହତ ହୋଇଥିଲେ । ଉତ୍ତର ଇସ୍ରାଏଲୀ ସହର ନାହାରିଆକୁ ମଧ୍ୟ ରକେଟ ଆକ୍ରମଣ କରାଯାଇଥିଲା, ଯେଉଁଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା ଏବଂ ଅନ୍ୟ 14 ଜଣ ଆହତ ହୋଇଥିଲେ। ଉଭୟ ପାର୍ଶ୍ୱରୁ ବାରମ୍ବାର ଗୁଳି ବିନିମୟ ହେବା ସହିତ ସମଗ୍ର ଅଞ୍ଚଳରେ ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି।
ଫେବୃଆରୀ 28 ତାରିଖରେ ଆମେରିକା ଏବଂ ଇସ୍ରାଏଲ ଅନେକ ଇରାନ ପ୍ରତିଷ୍ଠାନ ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ସମେତ ଅନେକ ନେତାଙ୍କ ମୃତ୍ୟୁ ହୋଇଥିଲା। ଏହି ଘଟଣା ଉଭୟ ପକ୍ଷ ମଧ୍ୟରେ ଯୁଦ୍ଧ ଆରମ୍ଭ କରିଥିଲା, ଯାହା ବର୍ତ୍ତମାନ ଚତୁର୍ଥ ସପ୍ତାହରେ ପହଞ୍ଚିଛି। ଇରାନ ଆମେରିକାର ସାମରିକ ଘାଟିକୁ ଟାର୍ଗେଟ କରି ଇସ୍ରାଏଲ ଏବଂ ଅନେକ ଉପସାଗରୀୟ ଦେଶ ଉପରେ ଆକ୍ରମଣ କରି ପ୍ରତିଶୋଧ ନେଇଥିଲା। ମଧ୍ୟପ୍ରାଚ୍ୟରେ ଚାଲିଥିବା ଏହି ଯୁଦ୍ଧର ପ୍ରଭାବ ଏବେ ବିଶ୍ୱର ଅନେକ ଦେଶରେ ଅନୁଭୂତ ହେଉଛି।
