୩୭ ନକ୍ସଲଙ୍କ ଆତ୍ମସମର୍ପଣ

ଛତିଶଗଡ଼: ଛତିଶଗଡ଼ ଦନ୍ତେୱାଡାରେ ୩୭ ନକ୍ସଲଙ୍କ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ କରିଥିବା ୩୭ ନକ୍ସଲଙ୍କ ମଧ୍ୟରେ ୧୨ ମହିଳା ରହିଛନ୍ତି। ୨୭ ଜଣ ନକ୍ସଲଙ୍କ ଉପରେ ୬୫ ଲକ୍ଷ ଟଙ୍କାର ପୁରସ୍କାର ଥିଲା। ଆତ୍ମସମର୍ପଣକାରୀଙ୍କ ମଧ୍ୟରେ କୁମାଲି ଓରଫ ଅନିତା ମଣ୍ଡାଭି, ଗୀତା ଓରଫ ଲକ୍ଷ୍ମୀ ମଦକାମ, ରଞ୍ଜନ ଓରଫ ସୋମା ମଣ୍ଡାଭି ଏବଂ ଭୀମା ଓରଫ ଜାହାଜ କଲମୁ ଅନ୍ତର୍ଭୁକ୍ତ। ଅଧିକାରୀ କହିଛନ୍ତି ଯେ ସେମାନଙ୍କ ପ୍ରତ୍ୟେକଙ୍କ ପାଇଁ ୮,୦୦,୦୦୦ ଟଙ୍କା ପୁରସ୍କାର ରହିଛି। ସରକାରଙ୍କ ପୁନର୍ବାସ ନୀତି ଅନୁଯାୟୀ, ଆତ୍ମସମର୍ପଣ କରିଥିବା ନକ୍ସଲବାଦୀଙ୍କୁ ଦକ୍ଷତା ବିକାଶ ପାଇଁ ତାଲିମ, କୃଷି ଜମି ଇତ୍ୟାଦି ସହିତ ଅନ୍ୟାନ୍ୟ ସୁବିଧା ସହିତ ୫୦,୦୦୦ ଟଙ୍କାର ତୁରନ୍ତ ସହାୟତା ଯୋଗାଇବା ନେଇ ସୂଚନା ମିଳିଛି। ପୋଲିସ ଅନୁସାରେ, ଗତ ୨୩ ମାସ ମଧ୍ୟରେ ଛତିଶଗଡ଼ରେ ୨୨୦୦ରୁ ଅଧିକ ନକ୍ସଲ ଆତ୍ମସମର୍ପଣ କରିଛନ୍ତି। ଏଥିରେ ଶୀର୍ଷ ନକ୍ସଲ ମଧ୍ୟ ସାମିଲ ଅଛନ୍ତି। କେନ୍ଦ୍ର ସରକାର ମାର୍ଚ୍ଚ ୨୦୨୬ ସୁଦ୍ଧା ଦେଶରୁ ନକ୍ସଲବାଦକୁ ସମ୍ପୂର୍ଣ୍ଣ ଲୋପ କରିବାକୁ ପ୍ରତିଶ୍ରୁତି ଦେଇଛନ୍ତି।