ସେବା ସମବାୟ ସମିତିର ପୂର୍ବତନ ସଚିବଙ୍କୁ ୩ ବର୍ଷ ସଶ୍ରମ କାରାଦଣ୍ଡ

ଭଦ୍ରକ: ସେବା ସମବାୟ ସମିତିର ପୂର୍ବତନ ସଚିବଙ୍କୁ ୩ ବର୍ଷ ସଶ୍ରମ କାରାଦଣ୍ଡ। ଭଦ୍ରକ ଶାଖାର ବିବିସିସି ବ୍ୟାଙ୍କ ଅଧୀନରେ ଥିବା ଅର୍ଣ୍ଣପାଲ ଏସସିଏସ (ସେବା ସମବାୟ ସମିତି)ର ପୂର୍ବତନ ସଚିବ (ଅବସରପ୍ରାପ୍ତ) ରମେଶ ଚନ୍ଦ୍ର ସେନଙ୍କୁ ତିନି ବର୍ଷ ପାଇଁ ସଶ୍ରମ କାରାଦଣ୍ଡରେ ଦଣ୍ଡିତ କରାଯାଇଛି। ସେନଙ୍କୁ ଓଡ଼ିଶା ଭିଜିଲାନ୍ସ ଦ୍ୱାରା ବିବିସିସି ଭଦ୍ରକ ଶାଖାରେ ରଖାଯାଉଥିବା ଏସସିଏସର ସେଭିଂ ବ୍ୟାଙ୍କ ଜମା (ଥ୍ରିଫ୍ଟ) ଆକାଉଣ୍ଟରୁ ଉଠାଇ ସୋସାଇଟି ପାଣ୍ଠିର ଅପବ୍ୟବହାର କରିଥିବା ନେଇ ଏକ ମାମଲାରେ ଚାର୍ଜସିଟ୍ କରାଯାଇଥିଲା। ଆଜି, ତାଙ୍କୁ ବାଲେଶ୍ୱରର ସ୍ୱତନ୍ତ୍ର ବିଚାରପତି, ଭିଜିଲାନ୍ସ ଦୋଷୀ ସାବ୍ୟସ୍ତ କରି ୩ ବର୍ଷ ପାଇଁ ସଶ୍ରମ କାରାଦଣ୍ଡ ଏବଂ ୫୦,୦୦୦ ଟଙ୍କା ଜରିମାନା ଦଣ୍ଡିତ କରିଛନ୍ତି। ରମେଶ ଚନ୍ଦ୍ର ସେନଙ୍କୁ ଦୋଷୀ ସାବ୍ୟସ୍ତ କରିବା ପରେ ଓଡ଼ିଶା ଭିଜିଲାନ୍ସ ଏବେ ତାଙ୍କ ପେନସନ ବନ୍ଦ କରିବା ପାଇଁ ସକ୍ଷମ କର୍ତ୍ତୃପକ୍ଷଙ୍କ ନିକଟରେ ଆବେଦନ କରିବ।