ଉତ୍ତର ପ୍ରଦେଶ: ଉତ୍ତର ପ୍ରଦେଶରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ବଗିଚାରୁ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ଶନିବାର ସକାଳେ କୋତୱାଲି ଦେହାତ ଅଞ୍ଚଳର ଉଛରା ଏବଂ ପାଠକ ଗାଁ ମଧ୍ୟରେ ଏକ ନିର୍ଜନ ବଗିଚାରେ ଜଣେ ଯୁବକଙ୍କ ମୃତଦେହ ମିଳିଛି। ମୃତଦେହ ନିକଟରେ ମୃତକଙ୍କ ବାଇକ୍ ରଖାଯାଇଥିବା ସୂଚନା ମିଳିଛି। ମୃତକଙ୍କୁ ଭାପ୍ତା ଗ୍ରାମର ବାସିନ୍ଦା ରାମ ସିଗରଙ୍କ ପୁଅ ଶିବକୁମାର ଗୁପ୍ତା (୪୫) ବୋଲି ଚିହ୍ନଟ କରାଯାଇଛି। ସେ ହନୁମାନଗଞ୍ଜ ବଜାରର ଅସାଇ ନିକଟରେ ତାଙ୍କ ପରିବାର ସହିତ ରହୁଥିଲେ। ତାଙ୍କର ଏକ କିରାଣୀ ଦୋକାନ ଅଛି ଏହା ସହ ସେ କ୍ଷୀର ବ୍ୟବସାୟ ମଧ୍ୟ କରୁଥିଲେ।
ପରିବାର ସଦସ୍ୟଙ୍କ ଅନୁଯାୟୀ, ଶୁକ୍ରବାର ରାତି ପ୍ରାୟ ୧୧ଟାରେ ଶିବକୁମାର ଜଣେ ଅଜଣା ବ୍ୟକ୍ତିଙ୍କ ଫୋନ୍ ପାଇ ଘରୁ ବାହାରି ଯାଇଥିଲେ। ଶନିବାର ସକାଳେ, ଶୌଚ ପାଇଁ ବାହାରକୁ ଯାଇଥିବା ଜଣେ ଗ୍ରାମବାସୀ ବଗିଚାରେ ତାଙ୍କ ବାଇକ୍ ପାର୍କିଂ ହୋଇଥିବା ଦେଖି ସନ୍ଦେହ କରିଥିଲେ। ଯେତେବେଳେ ସେ ପାଖକୁ ଗଲେ, ସେ ଶିବକୁମାରଙ୍କ ମୃତଦେହ ତଳେ ପଡ଼ିଥିବା ଦେଖିଥିଲେ। ଗାଁ ଲୋକେ ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ନିଜ ହେପାଜତକୁ ନେଇ ପୋଷ୍ଟମର୍ଟମ ପାଇଁ ପଠାଇଛି। ପରିବାର ସଦସ୍ୟ ହତ୍ୟା ସନ୍ଦେହ କରୁଛନ୍ତି। ମୃତ୍ୟୁ କାରଣ ଅସ୍ପଷ୍ଟ ରହିଛି। ତେବେ ପୋଲିସ ମୃତ୍ୟୁର କାରଣ ଖୋଜିବା ସହ ତଦନ୍ତ ଆରମ୍ଭ କରିଛି।
