ନୂଆଦିଲ୍ଲୀ: ମଙ୍ଗଳବାର ସକାଳେ ଆମ ଆଦମୀ ପାର୍ଟି ନେତା ସୌରଭ ଭରଦ୍ୱାଜଙ୍କ ଘରେ ଇଡି ଚଢାଉ କରିଛି। ହସ୍ପିଟାଲ ନିର୍ମାଣ ଦୁର୍ନୀତି ମାମଲାରେ ଇଡିର ଚଢାଉ କରାଯାଇଛି। ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ସୌରଭ ଭରଦ୍ୱାଜ ଏବଂ ସତ୍ୟେନ୍ଦ୍ର ଜୈନ ଏହି ମାମଲାରେ ତଦନ୍ତାଧୀନ ଅଛନ୍ତି। ଏ ସମ୍ପର୍କରେ ଇଡି ଏହାର ଇସିଆଇଆର ଦାଖଲ କରିଥିଲା। ଏହି ହସ୍ପିଟାଲ ନିର୍ମାଣ ଦୁର୍ନୀତି ପ୍ରାୟ ୫,୫୯୦ କୋଟି ଟଙ୍କାର। ୨୦୧୮-୧୯ ବର୍ଷରେ, ଦିଲ୍ଲୀ ସରକାର ୨୪ଟି ହସ୍ପିଟାଲ ନିର୍ମାଣ ପାଇଁ ₹୫,୫୯୦ କୋଟି ଟଙ୍କାର ପ୍ରକଳ୍ପକୁ ଅନୁମୋଦନ କରିଥିଲେ। ଆଇସିୟୁ ହସ୍ପିଟାଲ ୬ ମାସରେ ନିର୍ମାଣ ହେବାର ଥିଲା କିନ୍ତୁ ୩ ବର୍ଷ ପରେ ମଧ୍ୟ କାମ ଅସମ୍ପୂର୍ଣ୍ଣ ରହିଲା। ଏହି ପ୍ରକଳ୍ପଗୁଡ଼ିକ ମଧ୍ୟରୁ ଅନେକରେ ଗୁରୁତର ଅନିୟମିତତାର ଅଭିଯୋଗ ଆସିଛି।
ପ୍ରକଳ୍ପଗୁଡ଼ିକ ୬ ମାସ ମଧ୍ୟରେ ସମାପ୍ତ ହେବାର ଥିଲା କିନ୍ତୁ ୩ ବର୍ଷ ପରେ ମଧ୍ୟ ଅଧିକାଂଶ କାମ ଅସମ୍ପୂର୍ଣ୍ଣ ରହିଛି। ୮୦୦ କୋଟି ଟଙ୍କା ଖର୍ଚ୍ଚ ସତ୍ତ୍ୱେ କେବଳ ୫୦% କାମ ସମାପ୍ତ ହୋଇଛି। କୌଣସି ଠୋସ୍ ଅଗ୍ରଗତି ବିନା ଏଲଏନଜେପି ହସ୍ପିଟାଲର ମୂଲ୍ୟ ୪୮୮ କୋଟି ଟଙ୍କାରୁ ବୃଦ୍ଧି ପାଇ ୧,୧୩୫ କୋଟି ଟଙ୍କା ହୋଇଛି। ଅନେକ ସ୍ଥାନରେ ଅନୁମୋଦନ ବିନା ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା ଏବଂ ଠିକାଦାରଙ୍କ ଭୂମିକା ସନ୍ଦେହଜନକ ବୋଲି ଜଣାପଡିଥିଲା। ହସ୍ପିଟାଲ ସୂଚନା ପରିଚାଳନା ପ୍ରଣାଳୀ (ଏଚ୍ଆଇଏମ୍ଏସ୍) ୨୦୧୬ ମସିହାରୁ ବିଚାରାଧୀନ ଅଛି, ଯାହାକୁ ଜାଣିଶୁଣି ବିଳମ୍ବ କରାଯାଉଛି ବୋଲି ଅଭିଯୋଗ ହୋଇଛି।
