ହିମାଚଳରେ ଭୂସ୍ଖଳନ: ତାଣ୍ଡବ ରଚିଲା ବନ୍ୟା

ନୂଆଦିଲ୍ଲୀ : ହିମାଚଳ ପ୍ରଦେଶରେ ମୌସୁମୀ ପ୍ରବଳ କ୍ଷୟକ୍ଷତି ଘଟାଇଛି। ପରିସ୍ଥିତି ଏପରି ହୋଇଛି ଯେ କୌଣସି ବଡ଼ ଦୁର୍ଘଟଣାକୁ ଏଡାଇବା ପାଇଁ ଶୁକ୍ରବାର ରାଜ୍ୟର ଅନେକ ରାସ୍ତାକୁ ଅସ୍ଥାୟୀ ଭାବରେ ବନ୍ଦ କରିଦିଆଯାଇଛି। ରାଜ୍ୟ ଜରୁରୀକାଳୀନ ଅପରେସନ୍ ସେଣ୍ଟର ଅନୁଯାୟୀ, ଚଣ୍ଡିଗଡ଼-ମନାଲି ଏବଂ ମନାଲି-ଲେହ ଜାତୀୟ ରାଜପଥ ସମେତ 285 ରାସ୍ତା ବନ୍ଦ କରାଯାଇଥିଲା। ମଣ୍ଡି ଜିଲ୍ଲାରେ ସର୍ବାଧିକ 175 ରାସ୍ତା ବନ୍ଦ ଥିଲା, ଯେତେବେଳେ କୁଲୁରେ 67 ରାସ୍ତା ବନ୍ଦ ଥିଲା।ବର୍ଷା ୫୩୫ଟି ବିଦ୍ୟୁତ୍ ଏବଂ ଜଳ ପ୍ରକଳ୍ପକୁ ମଧ୍ୟ ପ୍ରଭାବିତ କରିଛି। ଏପର୍ଯ୍ୟନ୍ତ ବର୍ଷା ଯୋଗୁଁ ୯୮ ଜଣଙ୍କର ମୃତ୍ୟୁ ହୋଇଛି, ୩୬ ଜଣ ନିଖୋଜ ଅଛନ୍ତି ଏବଂ ମୋଟ କ୍ଷତି ୧,୬୭୮ କୋଟି ଟଙ୍କାରେ ପହଞ୍ଚିଛି।ପ୍ରବଳ ବର୍ଷା ଯୋଗୁଁ ଯାନବାହାନ ଚଳାଚଳରେ ବହୁତ ସମସ୍ୟା ହେଉଛି।ଚଳିତ ବର୍ଷ ଜୁନ୍ ୧ ରୁ ଜୁଲାଇ ୩୧ ପର୍ଯ୍ୟନ୍ତ, ରାଜ୍ୟରେ ହାରାହାରି ୪୦୧.୧ ମିମି ବର୍ଷା ହୋଇଛି, ଯାହା ସ୍ୱାଭାବିକ ଅପେକ୍ଷା ୧୦% ଅଧିକ। ସିମଲାରେ ୬୮% ଅଧିକ ବର୍ଷା, ମଣ୍ଡିରେ ୫୬%, କୁଲୁରେ ୪୦% ଏବଂ ହମିରପୁରରେ ୩୨% ଅଧିକ ବର୍ଷା ରେକର୍ଡ କରାଯାଇଛି। ପ୍ରବଳ ବର୍ଷ ଯୋଗୁଁ ବିଦ୍ୟୁତ୍ ଯୋଗାଣ ମଧ୍ୟ ବାଧାପ୍ରାପ୍ତ ହୋଇଥିଲା । ବିଧାୟକ ଅନୁରାଧା ରାଣା କହିଛନ୍ତି ଯେ ରାସ୍ତା ସଫା କରିବା ପାଇଁ ମେସିନ୍ ପଠାଯାଇଛି। ଲଗାତାର ବର୍ଷା ଯୋଗୁଁ ରିଲିଫ୍ କାର୍ଯ୍ୟ ବାଧାପ୍ରାପ୍ତ ହେଉଛି, ମଣ୍ଡି ପୋଲିସ କହିଛି ଯେ ଶୀଘ୍ର ଏକପାଖିଆ ଯାତାୟାତ ପୁନଃସ୍ଥାପିତ ହେବ।