ତଦନ୍ତ ଚାଲିଛି: ଖୁବଶୀଘ୍ର ଧରାପଡିବେ: ଡିଜିପି

ଭୁବନେଶ୍ୱର: ବଳଙ୍ଗା ମାମଲାରେ ଡିଜିପି ୱାଇ ବି ଖୁରାନିଆ  ପ୍ରତିକ୍ରିୟା ରଖିଛନ୍ତି । କହିଛନ୍ତି,  ଘଟଣାସ୍ଥଳକୁ ଯାଇ ଏସପି ଅନୁଧ୍ୟାନ କରିଛନ୍ତି ।  ତଦନ୍ତ କରାଯାଉଛି , ଖୁବଶୀଘ୍ର ଧରାପଡିବେ ।  ଅନ୍ୟପଟେ,  ଘଟଣାସ୍ଥଳ ଦେଖିଲା ପରେ ଏସପି ପିନାକ ମିଶ୍ର ପ୍ରତିକ୍ରିୟା ରଖିଛନ୍ତି । କହିଛନ୍ତି,  ସ୍ପେଶାଲ ଟିମ ଗଠନ କରାଯାଇ ତଦନ୍ତ ଆରମ୍ଭ ହୋଇଛି ।  ସମ୍ବେଦନଶୀଳ ଓ ସ୍ପର୍ଶକତାର ବିଷୟ, ଗୁରୁତର ସହ ନେଇଛୁ ।  କାହାରିକୁ ଅଟକ କରାଯାଇନି, କେବଳ ପଚରା ଉଚରା ଜାରି ରହିଛି ।  ଫେରେନସିକ ଟିମ ମଧ୍ୟ ଯାଞ୍ଚ ଆରମ୍ଭ କରିସାରିଛି ।  ଦହନଶୀଳ ସାମଗ୍ରୀ ବ୍ୟବହାର ହୋଇଛି, ମାତ୍ର ତାହା କଣ ସ୍ପଷ୍ଟ ହୋଇନି ।  କେତେଜଣ ସମ୍ପୃକ୍ତ ସେଠାକୁ କିପରି ଆସିଲେ ତଦନ୍ତ ଚାଲିଛି । ପୀଡିତ ଚିକିତ୍ସାଧୀନ ଥିବାରୁ ପଚରା ଉଚରା ହୋଇପାରୁନି । ଯାହାର ସମ୍ପୃକ୍ତି  ପ୍ରମାଣ ମିଳିବ , କଠୋର କାଯ୍ୟାନୁଷ୍ଠାନ ନିଆଯିବ ।