ସମୀର ସାହୁ ଚମ୍ପୁଆରୁ ତଡା, ଭୁବନରୁ ମାଡ ଖାଇଥିଲେ

କେନ୍ଦୁଝର: ଆତ୍ମାହୁତି ଉଦ୍ୟମ କରି  ମୃତ୍ୟୁ  ସହ ଦୀର୍ଘ ୬୦ ଘଣ୍ଟାର   ସଂଘର୍ଷ  ପରେ ବାଲେଶ୍ୱର ଫକୀର  ମୋହନ ସ୍ୱୟଂଶାସିତ  ମବାବିଦ୍ୟାଳୟର  ଛାତ୍ରୀ ସୌମ୍ୟାଶ୍ରୀ ବିଶି ସୋମବାର  ବିଳମ୍ବିତ ରାତିରେ ଆଖିବୁଜିଛନ୍ତି ।  ସୌମ୍ୟାଶ୍ରୀଙ୍କ ମୃତ୍ୟୁ ପରେ  ତାଙ୍କ ଆତ୍ମହତ୍ୟା  ପଛରେ  ବିଶ୍ୱବିଦ୍ୟାଳୟର ପ୍ରଧ୍ୟାପକ ସମୀର  କୁମାର ସାହୁଙ୍କ  ବିକୃତ  ମାନସିକତାକୁ  ନେଇ ଏବେ  ରାଜ୍ୟରେ  ଚର୍ଚ୍ଚା । ପ୍ରଧ୍ୟାପକ ସମୀର କୁମାର ସାହୁଙ୍କ ବିକୃତ ମାନସିକତାକୁ  ନେଇ ଏବେ ଚର୍ଚ୍ଚା ।  ପ୍ରଧ୍ୟାପକ  ସମୀର ସାହୁଙ୍କ  ବିବାଦର ଚିଠା  କିନ୍ତୁ ବେଶ ଲମ୍ବା ।  ଚାକିରୀ ଜୀବନ ଆରମ୍ଭରୁ ହିଁ   ପ୍ରଧ୍ୟାପକ ଜଣେ ବିବାଦୀୟ ଥିଲେ ।  ସମୀର ସାହୁ ଢେହ୍‌କାନାଳ ଜିଲ୍ଲା ଭୁବନରେ ବାଜିରାଉତ ମେମୋରିଆଲ କଲେଜରୁ  ଚାକିରି ଆରମ୍ଭ କରିଥିଲେ ।  ନିଜର  ବିବାଦୀୟ କାଯ୍ୟକଳାପ ପାଇଁ ସେଠାରେ ମଧ୍ୟ ମାଡ ଖାଇଥିଲେ ।  ଏହି ଘଟଣା ପରେ ତାଙ୍କୁ  କେନ୍ଦୁଝର ଚମ୍ପୁଆ ଚନ୍ଦ୍ରଶେଖର କଲେଜକୁ ବଦଳି କରାଯାଇଥିଲା । ସେଠାରେ ମଧ୍ୟ ଛାତ୍ରୀଙ୍କ ସହ ଅର୍ଥନୈତିକ ସମ୍ପର୍କ ରଖିଥିବାରୁ ତାଙ୍କୁ  ବାଲେଶ୍ୱରକୁ ବଦଳି କରାଯାଇଥିଲା ।  ସମୀର ସାହୁ ଚମ୍ପୁଆ ଚନ୍ଦ୍ରଶେଖର ମହାବିଦ୍ୟାଳୟରେ  ଏଜୁକେସନ ବିଭାଗରେ କନିଷ୍ଠ ଅଧ୍ୟାପକ ଭାବେ  ୨୦୧୧ ମସିହା ଅକ୍ଟୋବର ୧୦ରୁ ୨୦୨୩  ଫେବ୍ରୁଆରୀ ୨୨ ଯାଏଁ କାଯ୍ୟ କରିଥିଲେ । ଚମ୍ପୁଆ କଲେଜରେ ତାଙ୍କର ୧ ବର୍ଷ ୪ ମାସର କାଯ୍ୟକାଳ ବିବାଦ ଭରି ରହିଥିଲା ।  ନିୟମିତ ସେ କ୍ଲାସ ବାହାନରେ ଛାତ୍ରୀମାନଙ୍କୁ ଦୀର୍ଘ ସମୟ  ଧରି କ୍ଲାସରେ ଅଟକ ରଖୁଥିଲେ ।  ଅନେକ ସମୟରେ ପଢାଇବା ବାହାନାରେ ଛାତ୍ରୀ ରହୁଥିବା ମେସକୁ ଯାଇ ସମୟ ଅତିବାହିତ କରୁଥିଲେ ।  ଏହାରି ଉପରେ ଅଭିଯୋଗ ହୋଇଥିଲେ ମଧ୍ୟ କର୍ତ୍ତୁପକ୍ଷ  ଲୁଚାଇ ରଖିଥିବା ନେଇ ଶୁଣିବାକୁ ମିଳୁଛି ।  ସମୀର ସାହୁ ଙ୍କ ଘର କଟକ ଜିଲ୍ଲା ବଡମ୍ବା ଅଞ୍ଚଳରେ ହୋଇଥିବା ବେଳେ  ଜଣେ ଟାଣୁଆ   ରାଜନେତାଙ୍କ ସମ୍ପର୍କୀୟ ଯୋଗୁଁ  ସେ କଲେଜ କର୍ତ୍ତୁପକ୍ଷଙ୍କୁ  ନିଜ କବଜାରେ ରଖି ଛାତ୍ରଛାତ୍ରୀଙ୍କୁ ବ୍ଲାକମେଲିଂ କରୁଥିଲେ ।  ବାଲେଶ୍ୱର ଘଟଣା ପରେ ଏବେ ଅନେକ ସହକର୍ମୀ ତାଙ୍କ ବିରୋଧରେ ମୁହଁ ଖୋଲିଛନ୍ତି ।