ଆଖି ପିଛୁଳାକେ ଭୁଶୁଡ଼ି ଗଲା ୫ ମହଲା କୋଠା

ନୂଆଦିଲ୍ଲୀ: ହିମାଚଳ ପ୍ରଦେଶରେ ମୌସୁମୀ ତାଣ୍ଡବ ସୃଷ୍ଟି କରିଛି। ବର୍ଷାର ତୀବ୍ରତା ଦେଖି ଲୋକମାନେ ଭୟଭୀତ। ବର୍ଷା ଯୋଗୁଁ ଲୋକଙ୍କ ଜୀବନ କଷ୍ଟକର ହୋଇପଡ଼ିଛି। ପ୍ରତିଦିନ ଆମେ ଅନେକ ନୂତନ ଦୁର୍ଘଟଣା ବିଷୟରେ ଶୁଣିବାକୁ ପାଉଛୁ। ଗତ ଦୁଇ ଦିନ ଧରି ରାଜ୍ୟରେ ପ୍ରବଳ ବର୍ଷା ଯୋଗୁଁ ଲୋକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ହିମାଚଳ ପ୍ରଦେଶର ରାଜଧାନୀ ସିମଲାରୁ ଏପରି ଏକ ହୃଦୟ ବିଦାରକ ଦୁର୍ଘଟଣା ସାମ୍ନାକୁ ଆସିଛି, ଯାହାର ଭାଇରାଲ ଭିଡିଓ ଦେଖିଲେ ହୋଶ ଉଡିଯିବ । ସିମଲାର ଭଟ୍ଟାକୁଫର ଅଞ୍ଚଳରେ ପ୍ରବଳ ବର୍ଷା ପାହାଡ଼ରେ ତାଣ୍ଡବ ସୃଷ୍ଟି କରିଛି। ଆଖି ପିଛୁଳାକେ ପାଞ୍ଚ ମହଲା କୋଠା ଭୁଶୁଡ଼ି ପଡ଼ିଛି। ଏହି ଦୃଶ୍ୟ କ୍ୟାମେରାରେ କଏଦ ହୋଇଛି। ଏଭଳି ଘଟଣାରେ କାହାର କିଛି ମୃତାହତ ହୋଇନଥିବା ରିପୋର୍ଟ ଆସିନାହିଁ ।ସିମଲା ପାଣିପାଗ କେନ୍ଦ୍ର ରବିବାର (୨୯ ଜୁନ) ହିମାଚଳ ପ୍ରଦେଶର ୧୦ଟି ଜିଲ୍ଲାରେ ପ୍ରବଳ ବର୍ଷା ପାଇଁ ରେଡ୍ ଆଲର୍ଟ ଜାରି କରିଛି। ସିମଲା ପାଣିପାଗ କେନ୍ଦ୍ର ଲୋକମାନଙ୍କୁ ଘରେ ରହିବାକୁ ନିର୍ଦ୍ଦେଶ ଦେଇଛି। ବର୍ଷା ଯୋଗୁଁ, ରାତିସାରା ବର୍ଷା ପରେ ଟ୍ରାକରେ ପଡ଼ିଥିବା ଭଗ୍ନାବଶେଷ ଏବଂ ଗଛଗୁଡ଼ିକୁ ହଟାଇବା ପର୍ଯ୍ୟନ୍ତ ସିମଲା-କାଲକା ରେଳ ଲାଇନରେ ସେବା ଘଣ୍ଟା ଘଣ୍ଟା ବନ୍ଦ ରହିଥିଲା ।