ପୁଲିସ ଗାଡି ଧକ୍କାରେ ଯୁବକ ମୃତ

ଅନୁଗୁଳ:  ଅନୁଗୁଳ ତାଳଚେରର ବୋଲେଣ୍ଡା ଅଞ୍ଚଳରେ  ଓଆଇଏସଏଫ  ଗାଡି ଧକ୍କାରେ ଯୁବକଙ୍କ ମୃତ୍ୟୁ  ହୋଇଥିବା ଅଭିଯୋଗ ହୋଇଛି । ମୃତକ ହେଲେ ସ୍ଥାନୀୟ  ଗୁରୁଦ୍ୱାର ଅଞ୍ଚଳର ୪୦ ବର୍ଷୀୟ ସୁଶାନ୍ତ ସାହୁ । ସକାଳୁ ଯୁବକ ଜଣଙ୍କ  ବଜାରକୁ ପରିବା ପାଇଁ ଯାଉଥିବା ବେଳେ ସାମ୍ନାପଟୁ  ଓଆଇଏସଏଫର ପୋଲିସ ଗାଡି ଦ୍ରୁତ ଗତିରେ ଆସି ତାଙ୍କୁ ଧକ୍କା  ଦେଇଥିଲା ବୋଲି ପ୍ରତ୍ୟେକ୍ଷଦର୍ଶୀ ଅଭିଯୋଗ କରିଛନ୍ତି । ଫଳରେ ଘଟଣାସ୍ଥଳରେ ସୁଶାନ୍ତଙ୍କର ମୃତ୍ୟୁ  ହୋଇଥିବା ଜଣାପଡିଛି ।  ଘଟଣାସ୍ଥଳରେ ଦୁର୍ଘଟଣାକୁ ନେଇ ସ୍ଥାନୀୟ ଲୋକଙ୍କ ଉତ୍ତେଜନା ଦେଖାଦେଇଛି । ଦୁର୍ଘଟଣା କରି ଗାଡି ଫେରାର  ହୋଇଯାଇଛି । ତଦନ୍ତ କରି ଉଚିତ ଦୋଷୀକୁ ଦଣ୍ଡ ଦେବା ପାଇଁ  ଗ୍ରାମବାସୀ ଦାବି କରିଛନ୍ତି ।