ଗୁଜୁରାଟ: ଗୁଜୁରାଟର ଅହମଦାବାଦରେ, ଜଣେ ପଡ଼ୋଶୀଙ୍କୁ ଉଚ୍ଚ ଶବ୍ଦରେ ସଂଗୀତ ବଜାଇବା ଯୋଗୁଁ ହତ୍ୟା କରାଯାଇଥିଲା । ଏହି ମାମଲାରେ ପୋଲିସ ମୋଟ ପାଞ୍ଚ ଜଣ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତଙ୍କୁ ମାମଲାର ସମାଧାନ ପାଇଁ କମଲେଶ ତିୱାରୀଙ୍କୁ ଫାର୍ମକୁ ଡକାଇଥିଲେ। ଏହା ପରେ ଯୁବକଙ୍କୁ ଏକ ଗଛରେ ବାନ୍ଧି ନିସ୍ତୁକ ମାଡ ମାରିଥିଲେ। ଏବଂ ତାଙ୍କ ମୃତ୍ୟୁ ପରେ, ଶରୀରକୁ ୨୦ କିଲୋ ଲୁଣ ସହିତ ପୋତି ଦେଇଥିଲେ । ପୋଲିସ ପାଞ୍ଚ ଜଣ ଅଭିଯୁକ୍ତଙ୍କୁ ଗିରଫ କରିଛି । ରିପୋର୍ଟ ଅନୁସାରେ, ଏହି ଘଟଣାଟି ଚାନ୍ଦଲୋଡିଆ ରେ ଘଟିଛି । କମଲେଶ ତାଙ୍କ ସ୍ତ୍ରୀ ପ୍ରତିମା ଏବଂ ପିଲାମାନଙ୍କ ସହିତ ଏଠାରେ ରହୁଥିଲେ । ଫେବୃଆରୀ ୧୮ ତାରିଖରେ କମଲେଶ କାମ ପାଇଁ ବାହାରି ଯାଇଥିଲେ କିନ୍ତୁ ଫେରି ନଥିଲେ । ତା’ପରେ ପ୍ରତିମା ଏ ବିଷୟରେ ସୋଲା ପୋଲିସ ଷ୍ଟେସନକୁ ଜଣାଇଥିଲେ। ଏବଂ ପଡ଼ୋଶୀଙ୍କ ସହିତ ଚାଲିଥିବା ବିବାଦ ବିଷୟରେ ମଧ୍ୟ କହିଥିଲେ । ପ୍ରତିମା କହିଥିଲେ ଯେ ମହାବୀର ଶାହା ତାଙ୍କ ପତ୍ନୀ ଜାଗୃତିଙ୍କ ସହ ପଡ଼ୋଶୀରେ ରୁହନ୍ତି । ଗତ କିଛି ଦିନ ଧରି ଦୁଇ ପରିବାର ମଧ୍ୟରେ ଉଚ୍ଚ ସ୍ୱରରେ ଗୀତ ବଜାଇବା ଏବଂ ଘର ପାଖରେ ପାଣି ଢାଳିବା ନେଇ ବିବାଦ ଚାଲିଥିଲା । ଏସ୍ ପି ଜୟେଶ ବ୍ରହ୍ମଭଟ୍ଟ କହିଛନ୍ତି ଯେ ସୂଚନା ମିଳିବା ମାତ୍ରେ ମହାବୀର ଏବଂ ଜାଗୃତିଙ୍କୁ ପୋଲିସ ଷ୍ଟେସନକୁ ଡକାଯାଇ ପଚରାଉଚରା କରାଯାଇଥିଲା। ଉଭୟଙ୍କ ଫୋନ୍ ଯାଞ୍ଚ କରିବା ପରେ ଜଣାପଡିଲା ଯେ ଶେଷ କଲ୍ ରିଷଭ ସବାରିଆଙ୍କୁ କରାଯାଇଥିଲା । ରିଷଭ କମଲେଶ ଏବଂ ମହାବୀର ଉଭୟଙ୍କର ବନ୍ଧୁ ଥିଲେ। ପୋଲିସ ତାଙ୍କୁ ମଧ୍ୟ ଡାକି ପଚରାଉଚରା କରିଥିଲା, ଯାହା ପରେ ହତ୍ୟାର ସମ୍ପୂର୍ଣ୍ଣ କାହାଣୀ ସାମ୍ନାକୁ ଆସିଥିଲା। ପୋଲିସର କହିବା ଅନୁଯାୟୀ, କମଲେଶଙ୍କ ହତ୍ୟା ସମୟରେ ରିଷଭ ଏବଂ ସୁନୀଲ ମଧ୍ୟ ସେଠାରେ ଉପସ୍ଥିତ ଥିଲେ । କିନ୍ତୁ ଦୁହେଁ ଏହି ସତ୍ୟକୁ ଲୁଚାଇ ରଖିଥିଲେ । ଏହି କାରଣରୁ ପୋଲିସ ତାଙ୍କୁ ମଧ୍ୟ ଅଭିଯୁକ୍ତ କରିଥିଲା । ଏହି ମାମଲାରେ ଅହମଦାବାଦର ସୋଲା ପୋଲିସ ମହାବୀର ଶାହ, ଜାଗୃତି ଶାହ, ଅତୁଲ ପଟେଲ, ରିଷଭ ଏବଂ ସୁନୀଲ ଠାକୁରଙ୍କୁ ଗିରଫ କରି ଆଇନଗତ ପ୍ରକ୍ରିୟା ଆରମ୍ଭ କରିଛି ।
