ବୁଲେଟ ରାଜାଙ୍କ ନିଦ ହଜାଇଲା ପୁଲିସ୍‌

ଭୁବନେଶ୍ୱର: ବୁଲେଟ ରାଜାଙ୍କ ନିଦ ହଜାଇଲା ଟ୍ରାଫିକ ପୁଲିସର ଚେକିଂ । ରୋଡ ରୋମିଓଙ୍କ ପାଇଁ କମିଶନରେଟ ପୋଲିସ କଡା ନିଷ୍ପତ୍ତି ନେଇଛନ୍ତି । ସ୍ପିଡ ଡ୍ରାଇଭି, ରଙ୍ଗ ଡ୍ରାଇଭ, ଟ୍ରିପଲ ରାଇଡିଂ, ପଲ୍ୟୁସନ, ହେଲମେଟ ନିୟମ ମାନୁନଥିବା ଟ୍ରାଫିକ ଖିଲାପକାରୀଙ୍କ ବିରୋଧରେ ଆକ୍ସନ ନିଆଯାଇଛି । ବିଶେଷକରି ମୋଡିଫାଏଡ ସାଇଲେନ୍ସର ଲଗାଇ ରାସ୍ତା ଉପରେ ଗର୍ଜନ କରି ଯାଉଥିବା ବାଇକକୁ ଧରି ପୁଲିସ୍ ଖୋଲିଛି ସାଇଲେନ୍ସର ପାଇପ । ଜବତ ହୋଇଛି ଭୟଙ୍କର ଗର୍ଜନ କରୁଥିବା ଶହ ଶହ ସାଇଲେନ୍ସର ପାଇପ । ତେବେ ଏଥର ଫାଇନ ନୁହେଁ, ସିଧା କୋର୍ଟରୁ ବେଲ ଆଣିବାକୁ ପଡିବ । ଏହାସହ ବାଆଇନ ମୋଡିଫାଏଡ ସୋ ରୁମ ଓ ଦୋକାନ ଉପରେ ମଧ୍ୟ ଖୁବଶୀଘ୍ର ଚଢାଉ ହେବ ବୋଲି ସୂଚନା ଦେଇଛି କମିଶନରେଟ ପୁଲିସ୍ । ସଡକ ଦୁର୍ଘଟଣା ରୋକିବା ପାଇଁ ଏଭଳି ପ୍ରୟାସ ଚାଲିଥିବା କହିଛନ୍ତି ଭୁବନେଶ୍ୱର ଡିସିପି ପିନାକ ମିଶ୍ର ।