ବସ ଦୁର୍ଘଟଣା: ୭ ମୃତ, ଅନେକ ଆହତ

ଝାରଖଣ୍ଡ: ଝାଡ଼ଖଣ୍ଡ ହାଜରିବାଗ ଜିଲ୍ଲାରେ ଯାତ୍ରୀମାନଙ୍କ ସହ ପାଟନା ଅଭିମୁଖେ ଯାଉଥିବା ବସ୍ ଓଲଟି ପଡ଼ିବା ପରେ ୭ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଛନ୍ତି। ବରିଷ୍ଠ ଅଧିକାରୀ କହିଛନ୍ତି ଯେ ଜିଲ୍ଲା ମୁଖ୍ୟାଳୟଠାରୁ ପ୍ରାୟ ୫୦ କିଲୋମିଟର ଦୂରରେ ଥିବା ଗୋରହର ପୋଲିସ ଷ୍ଟେସନ ପରିସରରେ ଏହି ଘଟଣା ଘଟିଛି । ହାଜରିବାଗ ଏସପି ଅରବିନ୍ଦ କୁମାର ସିଂ ସୂଚନା ଦେଇ କହିଛନ୍ତି, “ବର୍ତ୍ତମାନ ସୁଦ୍ଧା ୭ ଜଣଙ୍କର ମୃତ୍ୟୁ ହୋଇଛି। ବସ୍ ରେ ଆଉ କିଛି ଲୋକ ଫସି ରହିପାରନ୍ତି।” ଏହି ଦୁର୍ଘଟଣାରେ କୋଲକାତାରୁ ପାଟନା ଯାଉଥିବା ବସ୍‌ରେ ପ୍ରାୟ ୫୦ ଜଣ ଯାତ୍ରୀ ଥିଲେ।