ମାଲକାନଗିରି : ମାଲକାନଗିରି ଜିଲ୍ଲା ମୋଟୁରେ ପ୍ରାୟ ୧୦୦ ଏକର ଜଙ୍ଗଲ ଜମି ହଡପ ଅଭିଯୋଗ ଘଟଣାରେ ନିଜ ଆଡୁ ନ୍ୟାସନାଲ ଗ୍ରୀନ ଟ୍ରିବ୍ୟୁନାଲ ମାମଲା କରିଛି । ହଡପ ଜମିରେ କିଭଳି ଏକ ନଗର ତିଆରି ହେଲା ସେନେଇ ନୋଟିସ ଜାରି କରିଛି ଏନଜିଟି । ଜଙ୍ଗଲ ଜମିରେ କିପରି ରାସ୍ତା, କୋଠା ଏବଂ ତାର ବାଡ ନିର୍ମାଣ ହେଲା ପଚାରିବା ସହିତ ବିଭିନ୍ନ ସରକାରୀ ଯୋଜନା ଅର୍ଥରେ ଏହି ନିର୍ମାଣକୁ ନେଇ ପ୍ରଶ୍ନ ଉଠାଇଛନ୍ତି ନ୍ୟାସନାଲ ଗ୍ରୀନ ଟ୍ରିବ୍ୟୁନାଲ । ଏନେଇ ପିସିସିଏଫ , ଜଙ୍ଗଲ ବିଭାଗ ଓ ମାଲକାନଗିରି ଜିଲ୍ଲାପାଳଙ୍କୁ ନୋଟିସ କରାଯାଇଛି । ଡିସେମ୍ବର ୩ ତାରିଖରେ ମାମଲାର ପରବର୍ତ୍ତୀ ଶୁଣାଣି ହେବାକୁ ଥିବାବେଳେ ଅତିକମରେ ଏହାର ସପ୍ତାହ ପୂର୍ୱରୁ ଜବାବ ରଖିବାକୁ ନିର୍ଦ୍ଦେଶ ଦେଇଛନ୍ତି ଏନଜିଟି । ସୂଚନା ଅନୁସାରେ ଏହି ହଡପ ଜମିକୁ ନେଇ ବିଜେପି ଅଭିଯୋଗ କରିଥିବା ବେଳେ ଏହାକୁ ଖଣ୍ଡନ କରିଥିଲା ବିଜେଡି ।
