ଭାରତରେ ମଙ୍କିପକ୍ସର ‘କ୍ଲେଡ୍ ୧ବି’ ଭାରିଆଣ୍ଟ ଚିହ୍ନଟ : ରିପୋର୍ଟ

ନୂଆଦିଲ୍ଲୀ : ପୁଣି ମଙ୍କିପକ୍ସକୁ ନେଇ ଚିନ୍ତା ବଢିଲା । ଆଫ୍ରିକୀୟ ଦେଶରେ ଘାତକ ସାଜିଥିବା ମଙ୍କିପକ୍ସର ନୂଆ ଭାରିଆଣ୍ଟ ‘କ୍ଲେଡ୍ ୧ବି’ରେ ଜଣେ ଭାରତୀୟ ଯୁବକ ଚିହ୍ନଟ ହୋଇଛନ୍ତି। ବିଶ୍ୱ ସ୍ୱାସ୍ଥ୍ୟ ସଂଗଠନ ଏହି ଷ୍ଟ୍ରେନକୁ ହେଲଥ ଏମର୍ଜେନ୍ସି ରୂପେ ଘୋଷଣା କରିଥିଲା। ଆଜି କେନ୍ଦ୍ର ସ୍ୱାସ୍ଥ୍ୟ ବିଭାଗ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, କେରଳର ଜଣେ ୩୮ ବର୍ଷୀୟ ଯୁବକ ମଙ୍କିପକ୍ସର ନୂଆ ଭାରିଆଣ୍ଟ ‘କ୍ଲେଡ୍ ୧ବି’ରେ ଚିହ୍ନଟ ହୋଇଛନ୍ତି। ଏହା ଦେଶର ପ୍ରଥମ ଘଟଣା। ତାଙ୍କ ପୂର୍ବରୁ ଦୁଇ ଜଣ ବ୍ୟକ୍ତ ମଙ୍କିପକ୍ସରେ ଚିହ୍ନଟ ହୋଇଥିଲେ। କିନ୍ତୁ ସେମାନଙ୍କର ନୂଆ ଭାରିଆଣ୍ଟ ନଥିଲା। ସୂଚନା ଅନୁସାରେ, ସଂକ୍ରମିତ ଯୁବକ ଗତ ସପ୍ତାହରେ ୟୁନାଇଟେଡ ଆରବ ଏମିରେଟ୍ସ (ୟୁଏଇ) ଯାଇଥିଲେ। ସେଠାରୁ ଫେରିବା ପରେ ତାଙ୍କ ନମୂନା ପରୀକ୍ଷଣ ହୋଇଥିଲା। ପରୀକ୍ଷା ରିପୋର୍ଟରେ ସେ ମଙ୍କିପକ୍ସର ନୂଆ ଭାରିଆଣ୍ଟ ‘କ୍ଲେଡ୍ ୧ବି’ରେ ସଂକ୍ରମିତ ହୋଇଥିବା ଚିହ୍ନଟ ହୋଇଛି। ପ୍ରକାଶ ଥାଉକି, ଆଫ୍ରିକୀୟ ଦେଶରେ ମଙ୍କିପକ୍ସ ମାମଲା ବଢିଚାଲିଛି। ଲଗାତାର ଭାବେ ନୂଆ ଭାରିଆଣ୍ଟ ‘କ୍ଲେଡ୍ ୧’ ଚିହ୍ନଟ ହେବା ପରେ ଅଗଷ୍ଟରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏହାକୁ ହେଲଥ ଏମର୍ଜେନ୍ସି ରୂପେ ଘୋଷଣା କରିଥିଲା। ଏମପକ୍ସ କ୍ଲେଡ୍ ୧ ବି ହେଉଛି ଏକ ପ୍ରକାର ମଙ୍କିପକ୍ସରର ନୂଆ ଭାରିଆଣ୍ଟ ଯାହା ବର୍ତ୍ତମାନ  ଆଫ୍ରିକାରେ ଦେଖିବାକୁ ମିଳିଛି ଓ ଏହା ଗୁରୁତର ରୋଗର କାରଣ ହୋଇପାରେ । ଏହି ଷ୍ଟ୍ରେନ୍ ଦ୍ରୁତ ଗତିରେ ବ୍ୟାପିଛି, ଯେଉଁ କାରଣରୁ ଆଫ୍ରିକୀୟ ଦେଶମାନଙ୍କରେ ଶହ ଶହ ସଂକ୍ରମଣ ପରେ ଡବ୍ଲୁଏଚଓ ଏକ ଜନସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତି ରୂପେ ଘୋଷଣା କରିଛି । ଏହାପୂର୍ବରୁ, ଡବ୍ଲୁଏଚଓ କହିଛି ଯେ ଚଳିତ ବର୍ଷ ଆଫ୍ରିକାରୁ ୩୦,୦୦୦ ରୁ ଅଧିକ ସନ୍ଦିଗ୍ଧ ମାମଲା ରିପୋର୍ଟ ହୋଇଛି, ସେମାନଙ୍କ ମଧ୍ୟରୁ ଅଧିକାଂଶ ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋରେ ଯେଉଁଠାରେ ପରୀକ୍ଷା ଶେଷ ହୋଇଛି। ଯୁକ୍ତରାଷ୍ଟ୍ରର ସ୍ୱାସ୍ଥ୍ୟ ସଂସ୍ଥା ଏହାର ରିପୋର୍ଟରେ କହିଛି ଯେ ସେହି ସମୟରେ ସମଗ୍ର ମାଳଦ୍ୱୀପରେ ସନ୍ଦେହଜନକ ଏମପକ୍ସ ଦ୍ୱାରା ୮୦୦ ରୁ ଅଧିକ ଲୋକଙ୍କର ମୃତ୍ୟୁ ଘଟିଥିଲା। ସଂଗଠନ କହିଛି ଯେ କଙ୍ଗୋର କେନ୍ଦ୍ରୀୟ ଆଫ୍ରିକୀୟ ପଡୋଶୀ ବୁରୁଣ୍ଡିରେ ମଧ୍ୟ ଏହି ମାମଲା ବୃଦ୍ଧି ପାଇବାରେ ଲାଗିଛି ।