ମୁଜାଫରପୁର : ବିହାରର ମୁଜାଫରପୁରରେ ଲୋମଟାଙ୍କୁରା ହତ୍ୟାକାଣ୍ଡ ଘଟିଛି। ମୁଜାଫରପୁର ଜିଲ୍ଲାର ମୁଶହରୀ ଅଞ୍ଚଳରେ ହତ୍ୟାକାଣ୍ଡ ହୋଇଛି। ମୁଶହରୀ ଥାନା ଅନ୍ତର୍ଗତ ଗଂଗାପୁର ମାଂଝୀ ଟୋଲାରେ ଘଟିଛି। ଯେଉଁଠି କଳିଯୁଗର ନିଶାକ୍ତ ପୁଅ ନିଜ ବାପାଙ୍କୁ ହତ୍ୟା କରିଛି। ସୂଚନା ଅନୁଯାୟୀ, ମୁଶହରୀ ଥାନା ଅଧିକାରୀ ରଂଜୀତ କୁମାର ଗୁପ୍ତା କହିଛନ୍ତି, ମଣିକା ହରିକେଶ ପଂଚାୟତର ମଣିକା ହରିକେଶରେ ଭୁସ୍ସା ଛକ ନିବାସୀ ବିରଜୁ ଭଗତ (୫୦)ଙ୍କ ହତ୍ୟା ତାଙ୍କର ପୁଅ ଓ ବୋହୂ କରିଛନ୍ତି। ଏହି ହତ୍ୟାକାଣ୍ଡରେ ଅନ୍ୟମାନେ ମଧ୍ୟ ସାମିଲ ଅଛନ୍ତି। ହତ୍ୟା ପରେ ପୁଅ ଇନ୍ଦ୍ରେଶ କୁମାର ଫେରାର ଅଛି। ଇନ୍ଦ୍ରେଶଙ୍କ ପତ୍ନୀଙ୍କୁ ନେଇ ପୁଲିସ ପଚରାଉଚରା କରୁଛି। ସ୍ଥାନୀୟ ଲୋକେ ପୁଲିସକୁ କହିଛନ୍ତି, ଘଟଣା ସଂପର୍କରେ ବିରଜୁଙ୍କ ସମେତ ତାଙ୍କର ପୁଅ-ବୋହୂ ଓ ଅନ୍ୟ କିଛି ବାହାରର ଲୋକ ଥିଲେ। ସମସ୍ତେ ଖିଆପିଆ କରିଥିଲେ। ଏହା ପରେ ବିରଜୁ ଶୋଇବାକୁ ଅପେକ୍ଷା କରିଥିଲେ। ସେ ଯେତେବେଳେ ଗଭୀର ନିଦ୍ରାରେ ଥିଲେ ତାଙ୍କୁ ତଣ୍ଟି ହତ୍ୟା କରାଯାଇଥିଲା। ଇନ୍ଦ୍ରେଶ ମଦ ପିଇ ବାପାଙ୍କୁ ସବୁବେଳେ ମାଡ଼ ମାରୁଥିଲା। ବର୍ଷେ ପୂର୍ବରୁ ତାର ବିବାହ ହୋଇଥିଲା। ପୋଷ୍ଟମର୍ଟମ ପରେ ବିରଜୁଙ୍କ ମୃତଦେହରେ ସଂପର୍କୀ ଭଗତଙ୍କ ପୁତ୍ର ରେହନ ମୁଖାଗ୍ନି ଦେଇଥିଲେ।