ଇସ୍ରାଏଲର ବୋମା ମାଡରେ ୪୨ ଜଣଙ୍କ ମୃତ୍ୟୁ

ନୂଆଦିଲ୍ଲୀ : ମଧ୍ୟ ପ୍ରାଚ୍ୟରେ ଏବେବି ଥମିନି ଯୁଦ୍ଧ । ଇସ୍ରାଏଲର ଏୟାରଷ୍ଟ୍ରାଇକ ମାଡରେ  ୪୨ ଜଣଙ୍କ ଜୀବନ ଯାଇଛି । ଲେବାନନ ସହ ଅସ୍ତ୍ରବିରାମ ଚୁକ୍ତି ପରେ ଏବେ ହମାସ ଆତଙ୍କବାଦୀଙ୍କୁ ଟାର୍ଗେଟ କରି ଭୟଙ୍କର ଆକ୍ରମଣ କରୁଛି ଇସ୍ରାଏଲ ସେନା । ରାତି ଅଧରେ ଆଇଡିଏଫ ପକ୍ଷରୁ କରାଯାଇଛି ଅପରେସନ ।ଗାଜାର ଏକାଧିକ ସ୍ଥାନରେ ଆକାଶମାର୍ଗରୁ ହୋଇଛି ବୋମା ବର୍ଷା । ଯେଉଁଥିରେ ୧୯ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ଉତ୍ତର ଓ ଦକ୍ଷିଣ ଗାଜାରେ ଟ୍ୟାଙ୍କ ମଧ୍ୟ ମୁତୟନ କରିଛି ଆଇଡିଏଫ । ଦୀର୍ଘ ଦିନରୁ ଯୁଦ୍ଧ ଚାଲିଥିବାରୁ ଗାଜାରେ ଭୟଙ୍କର ଦୁର୍ଭିକ୍ଷ ସଙ୍କଟ ସୃଷ୍ଟି ହୋଇଛି । ୨ ଲକ୍ଷରୁ ଅଧିକ ଲୋକ ଫସି ରହିଥିବା ବେଳେ ଖାଦ୍ୟ ସଙ୍କଟ ନେଇ ଚେତାବନୀ ଦେଇଛି ମିଳିତ ଜାତିସଂଘ । ୨୦୨୩ ଅକ୍ଟୋବରଠାରୁ ବର୍ତ୍ତମାନ ସୁଦ୍ଧା ଗାଜାରେ ୪୪ ହଜାର ୩୩୦ ପାଲେଷ୍ଟାଇନଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।