ଛତିଶଗଡ଼: ଛତିଶଗଡ଼ର ବଳରାମପୁର ଜିଲ୍ଲାରେ ଏକ ଛୋଟ ବନ୍ଧର ଏକ ଅଂଶ ଭୁଶୁଡ଼ି ପଡ଼ିଛି। ଏହା ଫଳରେ ଆସିଥିବା ବନ୍ୟା ଜଳରେ ଭାସିଯାଇ ଚାରି ଜଣଙ୍କର ମୃତ୍ୟୁ ଘଟିଛି ଏବଂ ଅନ୍ୟ ତିନି ଜଣ ନିଖୋଜ ଅଛନ୍ତି। ଏନେଇ ଅଧିକାରୀମାନେ ବୁଧବାର ଦିନ ସୂଚନା ଦେଇଛନ୍ତି। ସୂଚନା ଅନୁସାରେ, ମଙ୍ଗଳବାର ବିଳମ୍ବିତ ରାତିରେ ଧନେଶପୁର ଗାଁରେ ପ୍ରବଳ ବର୍ଷା ହେବା ପରେ ଲୁଟି ଜଳଭଣ୍ଡାରରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା।
୧୯୮୦ ଦଶକର ପ୍ରାରମ୍ଭରେ ନିର୍ମିତ ଏହି ଜଳଭଣ୍ଡାର ବନ୍ଧର ଏକ ଅଂଶ ଭୁଶୁଡ଼ି ନିକଟସ୍ଥ ଘର ଏବଂ କୃଷି କ୍ଷେତକୁ ମାଡିଯାଇଥିଲା ଜଳ, ଯାହା ଫଳରେ ହଠାତ୍ ବନ୍ୟା ସୃଷ୍ଟି ହୋଇଥିଲା। ଫଳରେ ଜଣେ ମହିଳା ଏବଂ ତାଙ୍କ ଶାଶୁ ସମେତ ଚାରି ଜଣ ସେମାନଙ୍କ ଘରେ ଶୋଇଥିବା ବେଳେ ମୃତ୍ୟୁବରଣ କରିଛନ୍ତି। ତିନି ଜଣ ନିଖୋଜ ଅଛନ୍ତି ଏବଂ ସନ୍ଧାନ ଅଭିଯାନ ଜାରି ରହିଛି। ଖବର ପାଇବା ପରେ ଜିଲ୍ଲା ପ୍ରଶାସନ ଏବଂ ପୋଲିସ ଦଳ ଘଟଣାସ୍ଥଳକୁ ପହଞ୍ଚିଥିଲେ। ମୃତଦେହଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଯାଇଛି ବୋଲି ସେ କହିଛନ୍ତି। ଅଧିକ ସୂଚନା ପାଇଁ ତଦନ୍ତ ଜାରି ରହିଛି।
