ସିକ୍କିମ: ସିକ୍କିମରେ ସେନା କ୍ୟାମ୍ପସରେ ଭୂସ୍ଖଳନ ହୋଇ ୩ ଯବାନ ସହିଦ ହୋଇଥିବା ଏକ ଦୁଖଃଦ ଖବର ସମ୍ନାକୁ ଆସିଛି । ସିକ୍କିମରେ ଛାତେନରେ ଏକ ସାମରିକ ଶିବିରରେ ଭୂସ୍ଖଳନ ହେବା ଫଳରେ ଅତି କମରେ ତିନି ଜଣଙ୍କର ମୃତ୍ୟୁ ଘଟିଛି ଏବଂ ଛଅ ଜଣ ସୁରକ୍ଷା କର୍ମୀ ନିଖୋଜ ହୋଇଯାଇଛନ୍ତି । ରବିବାର ପ୍ରାୟ ୭ଟାରେ ଏହି ଅଞ୍ଚଳରେ ପ୍ରବଳ ବର୍ଷା ହେବା ପରେ ଭୂସ୍ଖଳନ ଘଟିଥିଲା ।
ଉଦ୍ଧାର କାର୍ଯ୍ୟ ଚାଲିଛି, ଏବଂ ଏପର୍ଯ୍ୟନ୍ତ ତିନି ଜଣଙ୍କ ମୃତଦେହ ଉଦ୍ଧାର କରାଯାଇଛି। ଅନ୍ୟ ଚାରି ଜଣଙ୍କୁ ସାମାନ୍ୟ ଆହତ ଅବସ୍ଥାରେ ଉଦ୍ଧାର କରାଯାଇଛି, ଅଧିକାରୀ ଏକ ବିବୃତ୍ତିରେ କହିଛନ୍ତି। “ଉଦ୍ଧାର ଦଳଗୁଡ଼ିକ ନିଖୋଜ ଛଅ ଜଣ କର୍ମଚାରୀଙ୍କୁ ଖୋଜିବା ପାଇଁ ଚ୍ୟାଲେଞ୍ଜିଂ ପରିସ୍ଥିତିରେ ଦିନରାତି କାମ କରୁଛନ୍ତି,” ବିବୃତ୍ତିରେ ଆହୁରି କୁହାଯାଇଛି। ଗତ କିଛି ଦିନ ଧରି ସିକ୍କିମରେ ପ୍ରବଳ ଏବଂ ନିରନ୍ତର ବର୍ଷା ହୋଇଛି, ଯାହା ଫଳରେ ଭୂସ୍ଖଳନ ହୋଇଛି ଏବଂ ଆହୁରି ବିଭ୍ରାଟ ହେବାର ଚିନ୍ତା ବୃଦ୍ଧି ପାଇଛି।
