ଦୀପ ନିଆଁ ବ୍ୟାପି ୩ ଜଣଙ୍କ ମୃତ୍ୟୁ

ବ୍ୟୁରୋ  : ଘରେ ଲଗାଯାଇଥିବା ଦୀପରୁ  ନିଆଁ ବ୍ୟାପି  ଚାଲିଗଲା ୩ ଜଣଙ୍କ ଜୀବନ । ଏଭଳି ଏକ ଅଭାବନୀୟ ଘଟଣା ଉତ୍ତରପ୍ରଦେଶର କାନପୁରରେ ଘଟିଛି ।  ମୃତକ ହେଉଛନ୍ତି ଶ୍ୟାମ ଦସାନୀ, ତାଙ୍କ ପତ୍ନୀ  କନିକା ଦସାନୀ ଓ ଘରୋଇ ସହାୟିକା ଛବି ଅଛନ୍ତି । ସେମାନେ ଜୀବନ୍ତ ଜଳିଯାଇଛନ୍ତି । ଶ୍ୟାମ ଦସାନୀ ଜଣେ ପ୍ରତିଷ୍ଠିତ ବିସ୍କୁଟ ବ୍ୟବସାୟୀ ବୋଲି ଜଣା ଯାଇଛି । ଗତ ରାତିରେ ଦୀପାବଳି ଅବସରରେ ଘରେ  ପୂଜାର୍ଚ୍ଚନା କରିଥିଲେ ।  ଏହା ପରେ ଘକେ ଥିବା ମନ୍ଦିର ସମ୍ମୁଖରେ  ଦୀପ ଜଳୁଥିବା ବେଳେ  ପରିବାର ଲୋକେ ଶୋଇଯାଇଥିଲେ । ଘରେ କେବଳ ଶ୍ୟାମ ଦସାନୀ , ତାଙ୍କ ପତ୍ନୀ  ଓ ଘରୋଇ ସହାୟିକା ହିଁ ଥିଲେ ।  ତାଙ୍କ ପୁଅ କୌଣସି କାରଣକୁ ବାହାରକୁ ଯାଇଥିଲେ ତେଣୁ ସେ ଏହି ଅଗ୍ନିକାଣ୍ଡରୁ ବଞ୍ଚିତ ହୋଇଯାଇଛନ୍ତି । କିଛି ସମୟ ପରେ  ଦୀପ ନିଆଁ ଚାରିଆଡେ ବ୍ୟାପି ଯାଇଥିଲା । ନିଆଁ ହୁତୁ ହୁତୁ ହୋଇ ଜଳି ସବୁଆଡେ ଧୁଆଁ ହୋଇଯାଇଥିଲା ।  ଶ୍ୟାମ ଦସାନୀଙ୍କ ପରିବାର ଲୋକଙ୍କ ନିଦ ଭାଙ୍ଗିବା ପରେ ଯ୍‌ବା ପାଇଁ ରାସ୍ତା ପାଇନଥିଲେ । ଫଳରେ ସେଠାରେ ହିଁ ସେମାନଙ୍କର ମୃତ୍ୟୁ ହୋଇଯାଇଥିଲା । ଖବର ପାଇ  ପୁଲିସ ଓ ଦମକଳ ବାହିନୀ ପହଞ୍ଚି  ନିଆଁକୁ ଆୟତ୍ତ କରିଥିଲେ । ଏହାପରେ ପୁଲିସ  ଖୋଜାଖୋଜି କରି  ୩ ମୃତଦେହ ଘରୁ ଉଦ୍ଧାର କରି ବ୍ୟବଛ୍‌ଛଦେ ପାଇଁ ପଠାଯାଇଛି ।  ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶେକାକୁଳ ପରିବେଶ ଦେଖାଦେଇଛି ।