ଭୁବନେଶ୍ବର: ଭାରତୀୟ ନିର୍ବାଚନ କମିଶନ ରାଜ୍ୟରେ ଆଗାମୀ ନିର୍ବାଚନକୁ ଦୃଷ୍ଟିରେ ରଖ୍ ବିହାରରୁ ବୁଥ୍ ସ୍ତରୀୟ ଏଜେଣ୍ଟଙ୍କ ତାଲିମ ଆରମ୍ଭ କରିଛି। ୧୦ଟି ସ୍ବୀକୃତିପ୍ରାପ୍ତ ରାଜନୈତିକ ଦଳ ସହିତ ଜଡିତ ରାଜ୍ୟର ପ୍ରାୟ ୨୮୦ ଜଣ ବୁଥ ସ୍ତରୀୟ ଏଜେଣ୍ଟ ନୂଆଦିଲ୍ଲୀର IIIDEM, ଇଣ୍ଡିଆ ଇଣ୍ଟରନ୍ୟାସନାଲ୍ ଇନଷ୍ଟିଚ୍ୟୁଟ୍ ଫର ଡେମୋକ୍ରାସି ଆଣ୍ଡ ଇଲେକ୍ସନ୍ ମ୍ୟାନେଜମେଣ୍ଟରେ ଆୟୋଜିତ ୨ ଦିନିଆ ତାଲିମ କାର୍ଯ୍ୟକ୍ରମରେ ଅଂଶଗ୍ରହଣ କରୁଛନ୍ତି।
ମୁଖ୍ୟ ନିର୍ବାଚନ କମିଶନର ଶ୍ରୀ ଜ୍ଞାନେଶ କୁମାର, ନିର୍ବାଚନ କମିଶନର ଡକ୍ଟର ସୁଖବୀର ସିଂହ ସାନ୍ଧୁ ଏବଂ ଡକ୍ଟର ବିେବକ ଯୋଶୀଙ୍କ ସହିତ ପ୍ରଥମ ଥର ପାଇଁ ଏକ ତାଲିମ କାର୍ଯ୍ୟକ୍ରମରେ ବୁଥ୍ ସ୍ତରୀୟ ଏଜେଣ୍ଟ ମାନଙ୍କୁ ସମ୍ବୋଧନ କରିଛନ୍ତି । ୪ ମାର୍ଚ୍ଚ, ୨୦୨୫ ରେ ଅନୁଷ୍ଠିତ ମୁଖ୍ୟ ନିର୍ବାଚନ ଅଧିକାରୀ ସମ୍ମିଳନୀରେ ଏହି ତାଲିମର ଧାରଣା ଦିଆଯାଇଥିଲା । କମିଶନ ନିର୍ବାଚନ ପ୍ରକ୍ରିୟାରେ ବୁଥ୍ ସ୍ତରୀୟ ଏଜେଣ୍ଟଙ୍କ ଉପରେ ଗୁରୁତ୍ୱାରୋପ କରିଥିଲେ ଏବଂ ଦୃେଢ଼ାକ୍ତି କରିଥିଲେ ଯେ ଏହି ତାଲିମ କାର୍ଯ୍ୟକ୍ରମ ସେମାନଙ୍କୁ ଜନପ୍ରତିନିଧ୍ଵ ଆଇନ, ୧୯୫୦ ଏବଂ ୧୯୫୧, ଭୋଟର ପଞ୍ଜୀକରଣ ନିୟମ ୧୯୬୦, ନିର୍ବାଚନ ଆଚରଣ ନିୟମ ୧୯୬୧ ଏବଂ ସମୟ ସମୟରେ ଭାରତୀୟ ନିର୍ବାଚନ ଆୟୋଗ ଦ୍ବାରା ଜାରି ମାନୁଆଲ୍, ନିର୍ଦ୍ଦେଶାବଳୀ ଏବଂ ନିର୍ଦ୍ଦେଶାବଳୀରେ ବର୍ଣ୍ଣିତ ସେମାନଙ୍କର ଦାୟିତ୍ବ ପୂରଣ କରିବାରେ ସାହାଯ୍ୟ କରିବ।
ଆଇନଗତ ଢାଞ୍ଚା ଅନୁସାରେ ବୁଥ୍ ସ୍ତରୀୟ ଏଜେଣ୍ଟମାନଙ୍କୁ ସେମାନଙ୍କର ନିଯୁକ୍ତି, ଭୂମିକା ଏବଂ ଦାୟିତ୍ବ ବିଷୟରେ ଏକ ସାରାଂଶ ଦିଆଯାଇଥିଲା । ତାଲିମ କାର୍ଯ୍ୟକ୍ରମରେ ସେମାନଙ୍କୁ ନିର୍ବାଚନ ପ୍ରକ୍ରିୟାର ବିଭିନ୍ନ ଦିଗ ସହିତ ପରିଚିତ କରାଯାଇଥିଲା ଯେଉଁଥିରେ ଭୋଟର ତାଲିକାର ପ୍ରସ୍ତୁତି, ଅଦ୍ୟତନ ଏବଂ ସଂଶୋଧନ ଏବଂ ଜଡିତ ଫର୍ମ ଏବଂ ଫର୍ମାଟ୍ ଅନ୍ତର୍ଭୁକ୍ତ। ସ୍ୱୀକୃତିପ୍ରାପ୍ତ ରାଜନୈତିକ ଦଳଗୁଡ଼ିକ ଦ୍ୱାରା ବୁଥ୍ ସ୍ତରୀୟ ଏଜେଣ୍ଟମାନଙ୍କୁ ନିଯୁକ୍ତ କରାଯାଏ ଏବଂ ଜନପ୍ରତିନିଧ ଆଇନ, ୧୯୫୦ ର ବ୍ୟବସ୍ଥା ଅନୁଯାୟୀ ତ୍ରୁଟିମୁକ୍ତ ଭୋଟର ତାଲିକା ସୁନିଶ୍ଚିତ କରିବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରନ୍ତି। ପ୍ରକାଶିତ ଚୂଢ଼ାନ୍ତ ଭୋଟର ତାଲିକାରେ ଯଦି ସେମାନେ ପ୍ରଭାବିତ ହୁଅନ୍ତି, ତେବେ ଜନପ୍ରତିନିଧୁ ଆଇନ, ୧୯୫୦ର ଧାରା ୨୪(ଏ) ଏବଂ ୨୪ (ବି) ଅନୁଯାୟୀ ପ୍ରଥମ ଏବଂ ଦ୍ଵିତୀୟ ଅପିଲର ବ୍ୟବସ୍ଥା ବ୍ୟବହାର କରିବା ପାଇଁ ବୁଥ୍ ସ୍ତରୀୟ ଏଜେଣ୍ଟମାନଙ୍କୁ ତାଲିମ ଦିଆଯାଇଥିଲା।
