ଭୁବନେଶ୍ୱର: ଆଜି ବିଧାନସଭର ଗୃହରେ ବିଧାୟକମାନେ ବିଭିନ୍ନ ପ୍ରଶଙ୍ଗ ଉଠାଇଛନ୍ତି । ଏହାର ଉତ୍ତର ମୁଖ୍ୟମନ୍ତ୍ରୀ ମୋହନ ମାଝୀ ଗୃହରେ ରଖିଛନ୍ତି ।ରାଜ୍ୟରେ ଖାଲି ପଡିଛି ୧୩ ହଜାର ୩୭୩ ପୋଲିସ ପଦବୀ । କଂଗ୍ରେସ ବିଧାୟକ ପବିତ୍ର ସାଉଁଟାଙ୍କ ପ୍ରଶ୍ନରେ ମୁଖ୍ୟମନ୍ତ୍ରୀ ଉତ୍ତର ରଖିଛନ୍ତି । ଅଗ୍ନିଶମ ବିଭାଗରେ ମଧ୍ୟ ୪୮୧ ପଦବୀ ଖାଲି ପଡିଛି । ୨୪୧୬ ହୋମଗାର୍ଡ ପଦବୀ ଖାଲି, ଜେଲରେ ୮୬୨ ପଦବୀ ଖାଲି ପଡିଛି । ସେହିପରି ୧୦ ବର୍ଷରେ ୧୨୩ ମାଓବାଦୀ ନିହତ ହୋଇଛନ୍ତି ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ପ୍ରଶ୍ନରେ ଆଜି ବିଧାନସଭା ଗୃହରେ ମୁଖ୍ୟମନ୍ତ୍ରୀ ଉତ୍ତର ରଖିଛନ୍ତି । ୧୦ ବର୍ଷରେ ମାଓବାଦୀ ଆକ୍ରମଣରେ ୧୧ ସୁରକ୍ଷାକର୍ମୀ ସହିଦ ହୋଇଛନ୍ତି । ସେହିପରି ୫ ମାସରେ ୯୦ ଅଧିକାରୀଙ୍କ ନାଁରେ ଭିଜିଲାନ୍ସ ମାମଲା ରୁଜ୍ଜୁ ହୋଇଛି । ଦୁର୍ନୀତି ବିରୋଧରେ ଆକ୍ସନ ମୋଡରେ ମୋହନ ସରକାର । ରାଜସ୍ୱ ବିଭାଗର ୨୦ ଓ ପଞ୍ଚାୟତିରାଜର ୧୮ ଜଣଙ୍କ ନାଁରେ ମାମଲା ରୁଜୁ ହୋଇଛି । ବିଜେଡି ବିଧାୟକଙ୍କ ପ୍ରଶ୍ନରେ ଉତ୍ତର ରଖିଲେ ମୁଖ୍ୟମନ୍ତ୍ରୀ ମୋହନ ମାଝୀ ।
