ନୀଳ ଡ୍ରମରୁ ଯୁବକଙ୍କ ଗଳିତ ମୃତଦେହ ଉଦ୍ଧାର

ନୂଆଦିଲ୍ଲୀ: ଆଜିକାଲି ମଣିଷ ମଣିଷକୁ ମାରିବା ସ୍ୱାଭାବିକ ହୋଇଗଲାଣି । କେହି ଜମି ପାଇଁ ଜୀବନ ନେଉଛନ୍ତି , ଆଉ କେହି ବିବାହ ପାଇଁ  ଜୀବନରୁ ମାରିଦେଉଛନ୍ତି । ଏଭଳି ଏକ ଘଟଣା ଲୁଧିଆନାରୁ ଆସିଛି । ସୂଚନା ଯୋଗ୍ୟ ବୁଧବାର ସକାଳେ   ଲୁଧିଆନାର ଶେରପୁର ଅଞ୍ଚଳରେ ନୀଳ ପ୍ଲାଷ୍ଟିକ ଡ୍ରମ ଭିତରୁ ଜଣେ ବ୍ୟକ୍ତିଙ୍କ  ପଚିଯାଇଥିବା ମୃତଦେହ ଉଦ୍ଧାର ହୋଇଛି ।   ମୃତଦେହଟି   ଏକ ବେଡସିଟରେ ଗୁଡା ହୋଇ  ବେକ ,ଏବଂ ଗୋଡ ରଶିରେ ବନ୍ଧି ହୋଇ ପ୍ଲାଶ୍ଟିକ ବସ୍ତାରେ ଆବଦ୍ଧ କରାଯାଇ ଖାଲି ପଡିଆକୁ ଫିଙ୍ଗି ଦିଆଯାଇଥିଲା । ବହୁ ଦିନ ପରେ ଦୁର୍ଗନ୍ଧ ହେବାରୁ ସ୍ଥାନୀୟ ଲେକେ  ପୋଲିସକୁ ଖବର ଦେଇଥିଲେ ।  ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରିଛି ।     ମୃତଦେହକୁ ଦେଖିଲା ପରେ  ଏକ ପ୍ରବାସୀଙ୍କ ମୃତଦେହ ବୋଲି ଜଣାପଡୁଛି ।  ଶରୀର ଅଧିକ ଦିନ ରହି ପଚିଯାଇଥିବାରୁ   କ୍ଷତ ହୋଇଥିବା ଚିହ୍ନ  ଦେଖାଯାଉନି । ପୋଷ୍ଟମର୍ଟମ ମାଧ୍ୟମରେ ସଠିକ କାରଣ  ଜଣାପଡିବ ବୋଲି ପୋଲିସ ଅଧିକାରୀ କହିଛନ୍ତି ।  ଅଧିକାରୀ ମାନେ ଆହୁରି କହିଛନ୍ତି ଏହା ଯୋଜନାବଦ୍ଧ ହତ୍ୟାକାଣ୍ଡ ହୋଇଥାଇପାରେ ।  ଡ୍ରମଟି କେବଳ  ମୃତଦେହର ବ୍ୟବହାର ପାଇଁ  କିଣାଯାଇଥିଲା । ଅପରାଧ ସ୍ଥଳରର  ପାଞ୍ଚ କିଲୋମିଟର ମଧ୍ୟରେ ଥିବା ସିସିଟିଭି ଫୁଟେଜକୁ  ଯଞ୍ଚ  କରି ତଦନ୍ତ ଆରମ୍ଭ କରୁଛି ।   ପୋଲିସ ଲୁଧିଆନାରେ  ୪୨ଟି ଡ୍ରମ  ତିଆରି ଅଞ୍ଚଳକୁ ଠାବ କରିଛି ।  ପୋଲିସ    ସେମାନଙ୍କୁ ପଚରା ଉଚରା କରୁଛି ।