ହାତୀ ଆକ୍ରମଣରେ ଯୁବକ ମୃତ

ଝାଡଖଣ୍ଡ: ହାତୀ ଆକ୍ରମଣରେ ଯୁବକ ମୃତ। ଝାଡଖଣ୍ଡର ଲାତେହାର ଜିଲ୍ଲାରେ ଜଙ୍ଗଲୀ ହାତୀଙ୍କ ଏକ ଦଳ ଯୁବକଙ୍କୁ ଦଳି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। ବାଲୁମଥ ଥାନା ଅଞ୍ଚଳ ଅନ୍ତର୍ଗତ ଭୈସାଡୋନ ଗାଁରେ ରବିବାର ବିଳମ୍ବିତ ରାତିରେ ଏହି ଘଟଣା ଘଟିଛି। ମୃତକଙ୍କୁ ୨୧ ବର୍ଷୀୟ ଆର୍ଯ୍ୟନ ଲୋହରା ବୋଲି ଚିହ୍ନଟ କରାଯାଇଛି। ସୂଚନା ଅନୁଯାୟୀ, ଆର୍ଯ୍ୟନ ଶୌଚ ହେବା ପାଇଁ ନିଜ ଘରୁ ବାହାରିଥିଲେ। ରାତିରେ ଅନ୍ଧାର ହୋଇଥିବାରୁ ହାତୀ ପଲ ଆସୁଥିବା ଜାଣି ପରିନଥିଲେ। ଫଲରେ ହାତୀ ଦ୍ୱାରା ଦଳି ହୋଇ ମୃତ୍ୟୁବରଣ କରିଥିଲେ। ଘଟଣା ସମ୍ପର୍କରେ ସୂଚନା ପାଇବା ପରେ, ବନ ବିଭାଗ ଏବଂ ପୋଲିସର ଦଳ ଘଟଣାସ୍ଥଳରେ ପହଞ୍ଚିଥିଲେ। ଯୁବକଙ୍କ ମୃତଦେହ ଉଦ୍ଧାର କରାଯାଇ ବାଲୁମଠ ପୋଲିସ ଷ୍ଟେସନକୁ ହସ୍ତାନ୍ତର କରାଯାଇଛି, ସେଠାରେ ଯୁବକଙ୍କ ପୋଷ୍ଟମର୍ଟମ ଚାଲିଛି। ଯୁବକଙ୍କ ମୃତ୍ୟୁ ଗାଁରେ ଏବଂ ତାଙ୍କ ପରିବାରରେ ଶୋକର ଛାୟା ଖେଳିଯାଇଛି। ଗ୍ରାମବାସୀମାନେ କହିଛନ୍ତି ଯେ ହାତୀମାନେ ଏହି ଅଞ୍ଚଳରେ ନିରନ୍ତର ବୁଲୁଛନ୍ତି, ଯାହା ସେମାନଙ୍କ ଜୀବନ ପ୍ରତି ବିପଦର ଅଶଙ୍କା ସୃଷ୍ଟି କରୁଛି। ସେମାନେ ବନ ବିଭାଗକୁ ଭବିଷ୍ୟତରେ ଗାଁରେ ଏପରି ଘଟଣାର ପୁନରାବୃତ୍ତି ନହେବା ପାଇଁ ଏକ ସ୍ଥାୟୀ ସମାଧାନ ଖୋଜିବାକୁ ଦାବି କରିଛନ୍ତି। ବନ ବିଭାଗ ପୀଡିତଙ୍କ ପରିବାରକୁ ତୁରନ୍ତ ୪୦,୦୦୦ ଟଙ୍କାର ସହାୟତା ରାଶି ପ୍ରଦାନ କରିଛି।