କର୍ଣ୍ଣାଟକ: କର୍ଣ୍ଣାଟକ: ମହିଳା ସରକାରୀ କର୍ମଚାରୀଙ୍କ ପାଇଁ ଆସିଲା ଆସ୍ୱସ୍ଥିକର ଖବର। ମାସିକ ଋତୁସ୍ରାବରେ ଛୁଟି ପାଇବେ ମହିଳା ସରକାରୀ କର୍ମଚାରୀ। ଏନେଇ କର୍ଣ୍ଣାଟକ ସରକାର ୧୮ରୁ ୫୨ ବର୍ଷ ବୟସର ମହିଳା ସରକାରୀ କର୍ମଚାରୀଙ୍କ ପାଇଁ ଏକ ନୂତନ ନୀତିକୁ ଅନୁମୋଦନ କରିଛନ୍ତି। ଏହି ନୀତି ଅନୁସାରେ, ମହିଳା କର୍ମଚାରୀଙ୍କୁ ମାସିକ ଋତୁସ୍ରାବର ପ୍ରତି ମାସରେ ଗୋଟିଏ ଦିନ ଛୁଟି ମିଳିବ । ସେହିପରି ମହିଳାଙ୍କୁ ପ୍ରତିବର୍ଷ ୧୨ ଦିନ ଛୁଟି ମିଳିବ। କର୍ମକ୍ଷେତ୍ରରେ ମହିଳା କର୍ମଚାରୀମାନେ ଗୋଟିଏ ଦିନ କାର୍ଯ୍ୟକ୍ଷେତ୍ରରୁ ବଞ୍ଚିତ ହୋଇ ବିଶ୍ରାମ ନେବା ପାଇଁ ଏହି ପଦକ୍ଷେପ ନେଇଛନ୍ତି କର୍ଣ୍ଣାଟକ ସରକାର । ଏହା ରାଜ୍ୟସାରା ସମସ୍ତ ସ୍ଥାୟୀ, ଚୁକ୍ତିଭିତ୍ତିକ ଏବଂ ଆଉଟସୋର୍ସିଂ ମହିଳା କର୍ମଚାରୀଙ୍କ ପାଇଁ ପ୍ରଯୁଜ୍ୟ ହେବ। ଏହି ଛୁଟି ଡାକ୍ତରୀ ପ୍ରମାଣପତ୍ର ବିନା ନିଆଯାଇପାରିବ ଏବଂ ଏହାକୁ ଉପସ୍ଥାନ କିମ୍ବା ଛୁଟି ରେଜିଷ୍ଟରରେ ପୃଥକ ଭାବରେ ରେକର୍ଡ କରାଯିବ। ଋତୁସ୍ରାବ ଛୁଟିକୁ ଅନ୍ୟ କୌଣସି ପ୍ରକାର ଛୁଟି ସହିତ ମିଶାଯିବ ନାହିଁ।
ସୂଚନାଯୋଗ୍ୟ, ୨୦୨୪ ମସିହାରେ କର୍ଣ୍ଣାଟକ ସରକାର ବର୍ଷକୁ ୬ ଥର ମାସିକ ଋତୁସ୍ରାବ ଛୁଟି ଦେବାକୁ ପ୍ରସ୍ତାବ ଦେଇଥିଲେ, କିନ୍ତୁ ୨୦୨୫ ଅକ୍ଟୋବରରେ ଏହାକୁ ପ୍ରତି ମାସରେ ଗୋଟିଏ ଦିନ ଅର୍ଥାତ୍ ମୋଟ ୧୨ ଦିନ ବୃଦ୍ଧି କରିବାର ନିଷ୍ପତ୍ତିକୁ ମଞ୍ଜୁରୀ ଦିଆଯାଇଥିଲା। ଏବେ ସମସ୍ତ କର୍ମଜୀବୀ ମହିଳାଙ୍କୁ ପ୍ରତି ମାସରେ ଗୋଟିଏ ଦିନ ଋତୁସ୍ରାବ ଛୁଟି ଦିଆଯାଉଛି। ଏହା ସହିତ, କର୍ଣ୍ଣାଟକ ଏବେ ଦେଶର ସେହି କିଛି ରାଜ୍ୟ ମଧ୍ୟରେ ସାମିଲ ହୋଇଛି ଯେଉଁଠାରେ ମହିଳାଙ୍କୁ ମାସିକ ଋତୁସ୍ରାବ ଛୁଟି ଦିଆଯାଏ। ବିହାରରେ, ମହିଳାମାନଙ୍କୁ ପ୍ରତି ମାସରେ ୨ ଥର ମାସିକ ଋତୁସ୍ରାବ ଛୁଟି ମିଳିଥାଏ। ଏହା ବ୍ୟତୀତ, ଓଡ଼ିଶାରେ ସରକାରୀ ବିଭାଗରେ କାମ କରୁଥିବା ମହିଳାମାନଙ୍କୁ ଗୋଟିଏ ଦିନ ମାସିକ ଛୁଟି ଦେବାକୁ ସମ୍ପ୍ରତି ଘୋଷଣା କରାଯାଇଥିଲା।
