ମୟୁରଭଞ୍ଜ: ସ୍ବାମୀର ଟାଙ୍ଗିଆ ଚୋଟରେ ଚାଲିଗଲା ସ୍ତ୍ରୀର ଜୀବନ । ଏଭଳି ଅଭାବନୀୟ ଘଟଣା ଘଟିଛି ମୟୁରଭଞ୍ଜ ଠାକୁରମୁଣ୍ଡା ସାଲେଇବେଡା ଅସନକୁଦର ଗାଁରେ । ସ୍ୱାମୀ ସ୍ତ୍ରୀଙ୍କ ମଧ୍ୟରେ ଝଗଡା କାରଣରୁ ଏଭଳି ହତ୍ୟାକାଣ୍ଡ ଘଟିଥିବା ଜଣାପଡିଛି । ଶନିବାର କୌଣସି କାରଣକୁ ନେଇ ସୁବୁଦ୍ଧି ଦେହୁରୀଙ୍କ ପତ୍ନୀ ଟୁନିଙ୍କ ସହିତ ବଚସା ହୋଇଥିଲେ । ଏଥିରେ ଉତକ୍ଷିପ୍ତ ହୋଇ ସୁବୁଦ୍ଧି ଟୁନିଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ, ଫଳରେ ଘଟଣା ସ୍ଥଳରେ ଟୁନିଙ୍କ ମୃତ୍ୟୁ ଘଟିଥିଲା । ଠାକୁରମୁଣ୍ଡା ଥାନା ପୁଲିସ୍ ଘଟଣା ସ୍ଥଳରେ ପହଁଚି ମୃତଦେହ ଜବତ କରିବା ସହ ଅଭିଯୁକ୍ତକୁ ଅଟକ ରଖି ତଦନ୍ତ ଆରମ୍ଭ କରିଛି ।
