କର୍ଣ୍ଣାଟକ: ଜଣେ ୨୭ ବର୍ଷୀୟ ମହିଳାଙ୍କୁ ତାଙ୍କ ଶ୍ୱଶୁର ଘର ଲୋକେ ଗଳାକାଟି ହତ୍ୟା କରିଥିଲେ । ହତ୍ୟା ପରେ ତଦନ୍ତକୁ ବିଭ୍ରାନ୍ତ କରିବା ପାଇଁ ହତ୍ୟାକୁ ଏକ ଦୁର୍ଘଟଣାଜନକ ମୃତ୍ୟୁର ରୂପ ଦେଇଥିଲେ । ଘଟଣାଟି ମେ ୧୭ ତାରିଖରେ କର୍ଣ୍ଣାଟକର ବେଲାଗାଭି ଜିଲ୍ଲାର ଅଥାନି ତାଲୁକାର ମାଲାବାଦ ଗାଁରେ ଘଟିଥିଲା । ମୃତ ରେଣୁକା ଜଣେ ସଫ୍ଟେୱେର ଇଞ୍ଜିନିୟର ସନ୍ତୋଷ ହୋନାକାଣ୍ଡେଙ୍କୁ ବିବାହ କରିଥିଲେ । ପୋଲିସର ସୂଚନା ଅନୁଯାୟୀ, ରେଣୁକାଙ୍କୁ ହତ୍ୟା ମାମଲାରେ ସନ୍ତୋଷ ସହିତ ତାଙ୍କ ବାପା କାମନ୍ନା ଏବଂ ମାତା ଜୟଶ୍ରୀଙ୍କୁ ଗିରଫ କରାଯାଇଛି ।
ଚାଲିଥିବା ତଦନ୍ତ ଅନୁସାରେ, ରେଣୁକା ଗର୍ଭଧାରଣ ନକରିପାରିବା କାରଣରୁ ତାଙ୍କ ଶ୍ୱଶୁର ଘର ଲୋକଙ୍କ ଚାପର ସମ୍ମୁଖୀନ ହେଉଥିଲେ ବୋଲି ଜଣାପଡିଛି । ଏହି ତିକ୍ତ ସମ୍ପର୍କ ସେତେବେଳେ ଅଧିକ ଖରାପ ହୋଇଗଲା ଯେତେବେଳେ ତାଙ୍କ ସ୍ୱାମୀ ସନ୍ତୋଷ ହୋନାକାଣ୍ଡେ ଅନ୍ୟ ଜଣେ ମହିଳାଙ୍କୁ ବିବାହ କରିଥିଲେ, ଯିଏ ଏବେ ଗର୍ଭବତୀ ହୋଇଛନ୍ତି ବୋଲି ଅଭିଯୋଗ ହୋଇଥିଲା । ରେଣୁକାଙ୍କୁ ଘର ଛାଡିବାକୁ କୁହାଯିବା ସତ୍ତ୍ୱେ, ସେ ସେହି ଘରେ ରହିଲେ । ଶେଷରେ ସନ୍ତୋଷ ତାଙ୍କ ପିତାମାତାଙ୍କ ସହ ମିଶି ରେଣୁକାଙ୍କୁ ହତ୍ୟା କରିବାକୁ ଷଡଯନ୍ତ୍ର କରିଥିବା ଅଭିଯୋଗ ହୋଇଥିଲା ।
ଏହି ମାମଲାର ବର୍ଣ୍ଣନା କରିବାକୁ ଯାଇ ବେଲାଗାଭି ପୋଲିସ ଅଧିକାରୀ କହିଛନ୍ତି ଯେ ପୋଲିସ ପ୍ରଥମେ ଶ୍ୱଶୁରଙ୍କ ଠାରୁ ଏକ ଫୋନ ପାଇଥିଲା, ଯିଏ ଦାବି କରିଥିଲେ ଯେ ରେଣୁକାଙ୍କ ମୃତ୍ୟୁ ଏକ ସଡକ ଦୁର୍ଘଟଣାରେ ହୋଇଛି । କାମନ୍ନା ପୋଲିସକୁ ଦେଇଥିବା ବୟାନରେ କହିଥିଲେ ଯେ ସେ ଏକ ମଟରସାଇକେଲ ଚଳାଉଥିଲେ, ତାଙ୍କ ପତ୍ନି ପଛରେ ବସିଥିଲେ, ପତ୍ନି ପଛରେ ବହୂ ବସିଥିଲେସ, ଯେତେବେଳେ ଦୁର୍ଘଟଣା ଘଟିଲା ।
ପୋଲିସ ଘଟଣାସ୍ଥଳରେ ପହଞ୍ଚିବା ପରେ ସନ୍ଦେହ କରିଥିଲା ଏବଂ ତୁରନ୍ତ ରେଣୁକାଙ୍କ ମୃତଦେହକୁ ହସ୍ପିଟାଲକୁ ନେଇଯାଇଥିଲା। ରବିବାର ସକାଳେ, ସେମାନେ ତଦନ୍ତ ଆରମ୍ଭ କରିଥିଲେ ଏବଂ କାମନ୍ନାଙ୍କୁ ପଚରାଉଚରା ପାଇଁ ଡକାଇଥିଲେ। “ପଚରାଉଚରା ସମୟରେ କାମନ୍ନା ଯୁକ୍ତିଯୁକ୍ତ ଉତ୍ତର ଦେଇପାରି ନଥିଲେ, ଯାହା ସନ୍ଦେହ ସୃଷ୍ଟି କରିଥିଲା। ଶେଷରେ, ସେ ରେଣୁକାଙ୍କୁ ଗଳାକାଟି ହତ୍ୟା କରିଥିବା ସ୍ୱୀକାର କରିଥିଲେ,” ପୋଲିସ ଅଧିକାରୀ କହିଛନ୍ତି।
ଘଟଣାର କ୍ରମ ବ୍ୟାଖ୍ୟା କରି ଏସପି କହିଛନ୍ତି ଯେ ରେଣୁକା ଶନିବାର ସନ୍ଧ୍ୟାରେ ଏକ ମନ୍ଦିର ଯାଇଥିଲେ। ତାଙ୍କ ଶ୍ୱଶୁର ଘର ଲୋକେ ତାଙ୍କୁ ଏକ ମୋଟରସାଇକେଲରେ ଉଠାଇ ନେଇଥିଲେ। କିଛି ଦୂର ଯାତ୍ରା କରିବା ପରେ, ସେମାନେ ତାଙ୍କୁ ଗାଡ଼ିରୁ ଠେଲି ଦେଇଥିବା ଅଭିଯୋଗ ହୋଇଛି। ଯେତେବେଳେ ସେ ପଡ଼ିଯିବାରୁ ବଞ୍ଚିଗଲେ, ସେମାନେ ତାଙ୍କୁ ଗଳାକାଟି ହତ୍ୟା କରିଥିଲେ। ତା’ପରେ ସେମାନେ ତାଙ୍କୁ ତାଙ୍କ ଶାଢ଼ି ସାହାଯ୍ୟରେ ମୋଟରସାଇକେଲରେ ବାନ୍ଧି ଦେଇଥିଲେ ଏବଂ ଏହାକୁ ଏକ ଦୁର୍ଘଟଣା ବୋଲି ଦର୍ଶାଇବା ପାଇଁ ପ୍ରାୟ ୧୨୦ ଫୁଟ ପର୍ଯ୍ୟନ୍ତ ଟାଣି ନେଇଥିଲେ।
ଏସପି ଆହୁରି ମଧ୍ୟ କହିଛନ୍ତି, ଛଅ ଘଣ୍ଟା ମଧ୍ୟରେ ଯେ ପୋଲିସ ଏହା ଏକ ହତ୍ୟା ବୋଲି ନିଶ୍ଚିତ କରିଥିଲା। ସମସ୍ତ ତିନି ଅଭିଯୁକ୍ତ ରେଣୁକାଙ୍କ ସ୍ୱାମୀ, ଶ୍ୱଶୁର ଏବଂ ଶାଶୁଙ୍କୁ ଗିରଫ କରାଯାଇ ବିଚାର ବିଭାଗୀୟ ହାଜତକୁ ପଠାଯାଇଥିଲା। ସ୍ୱାମୀ ମଧ୍ୟ ଷଡ଼ଯନ୍ତ୍ରର ଅଂଶ ଥିଲେ ଏବଂ ଯୌତୁକ ଦାବି ସମ୍ପର୍କରେ ରିପୋର୍ଟ ଆସିଥିଲା ।
