ନୂଆଦିଲ୍ଲୀ : ବର୍ଡର ଗାଭାସ୍କର ଟ୍ରଫିର ତୃତୀୟ ମ୍ୟାଚ୍ ବ୍ରିସବେନର ଗାବା ଠାରେ ଖେଳାଯାଉଛି । ତେବେ ଗାବାରେ ଜାରି ରହିଛି ଟିମ୍ ଇଣ୍ଡିଆର ଫ୍ଲପ୍ ଶୋ । ଫଲୋଅନରୁ ବର୍ତ୍ତିବାକୁ ସଂଘର୍ଷ କରୁଛି ରୋହିତ ବାହିନୀ । ତେବେ ଏଥର ବି ପୁଣି ଥରେ ଭାରତର ଅଧିନାୟକ ରୋହିତ ଶର୍ମା ଫ୍ଲପ୍ ହୋଇଥିଲେ । ମଧ୍ୟମ କ୍ରମରେ ବ୍ୟାଟିଂ କରୁଥିବା ରୋହିତ ଶର୍ମା ପୁଣିଥରେ ତାଙ୍କ ଦଳକୁ କଠିନ ପରିସ୍ଥିତିରୁ ବାହାର କରିବାରେ ବିଫଳ ହୋଇଥିଲେ । ମାତ୍ର ୧୦ ରନ୍ କରି ଆଉଟ୍ ହେବା ପରେ ଚାରିଆଡୁ ଉଠିଛି ସମାଲୋଚନା । ତେବେ ସେ ଯେଉଁଭଳି ଢଙ୍ଗରେ ଆଉଟ୍ ହେଲେ ଆଉ ଆଉଟ ହେବା ପରେ ରୋହିତ୍ଙ୍କ ଫଟୋ ଏବେ ଅନେ ପ୍ରଶ୍ନ ବାଚୀ ସୃଷ୍ଟି କରିଛି । ଗାବା ଟେଷ୍ଟରେ ଭାରତର ପ୍ରଥମ ଇନିଂସ ସମୟରେ ରୋହିତ ଶର୍ମା ପୁଣି ଥରେ ପ୍ରଶଂସକଙ୍କୁ ନିରାଶ କରିଥିଲେ । ସେ ୨୭ ବଲରେ ମାତ୍ର ୧୦ ରନ୍ ସ୍କୋର କରିଥିଲେ । ଅଷ୍ଟ୍ରେଲୀୟ ଅଧିନାୟକ ପ୍ୟାଟ୍ କମିନ୍ସଙ୍କ ବଲରେ କ୍ୟାଚ୍ ଆଉଟ୍ ହୋଇଥିଲେ । ଏହା ପରେ, ସେ ପାଭିଲିୟନ ଆଡକୁ ଯିବାବେଳେ, ସେ ନିଜର ଗ୍ଲୋଭସ୍ କାଢି ଫୋପାଡିଥିଲେ।
Pat Cummins is that fired up after getting Rohit Sharma!#AUSvIND | #OhWhatAFeeling | @Toyota_Aus pic.twitter.com/dZImJlva2I
— cricket.com.au (@cricketcomau) December 17, 2024
ଭାଇରାଲ୍ ହେଉଥିବା ଫଟୋ ପ୍ରଶଂସକଙ୍କ ମଧ୍ୟରେ ଆଲୋଡ଼ନ ସୃଷ୍ଟି କରିଛି । ଏହି ଫଟୋ ପରେ ରୋହିତଙ୍କ ଅବସର ନେଇ ଆଲୋଚନା ତୀବ୍ର ହୋଇଛି । ତାଙ୍କର ଉଭୟ ଗ୍ଲୋଭସ୍ ଖୋଳାଯାଇଥିବା ବିଜ୍ଞାପନ ବୋର୍ଡ ପଛରେ ପଡ଼ିଥିବାର ନଜର ଆସିଥିଲା । ଏହି କାରଣରୁ ପ୍ରଶଂସକମାନେ ଅନୁମାନ କରୁଛନ୍ତି ଯେ ରୋହିତ ବର୍ତ୍ତମାନ ଟେଷ୍ଟ କ୍ରିକେଟରୁ ମଧ୍ୟ ଅବସର ନେଇପାରନ୍ତି । ଫ୍ୟାନ୍ସମାନେ ବିଶ୍ୱାସ କରନ୍ତି ଯେ ରୋହିତ ତାଙ୍କ ଟେଷ୍ଟ କ୍ୟାରିୟରର ସମାପ୍ତିର ସଙ୍କେତ ଦେଇଛନ୍ତି। ରୋହିତଙ୍କ ଏହି ଚିତ୍ରକୁ ଏକ୍ସ ରେ ସେୟାର କରିବାବେଳେ ଜଣେ ଉପଭୋକ୍ତା ଲେଖିଛନ୍ତି, ‘ରୋହିତ ଶର୍ମା ନିଜ ଗ୍ଲୋଭସ୍ ଖୋଲିବା ଆଗରେ ଛାଡି ଦେଇଛନ୍ତି । ସେ ବହୁତ ନିରାଶ ହୋଇଛନ୍ତି । ଏହା ଅବସରର ସଙ୍କେତ କି? ‘ ଜଣେ ଲେଖିଛନ୍ତି, ‘ରୋହିତ ଶର୍ମା ନିଜ ଗ୍ଲୋଭସ୍ ନିଜେ କାଢିଲେଣି । ଏହା ନିଶ୍ଚିତ ଭାବେ ଅବସର ନେଇ ସୂଚନା? ‘ ରୋହିତ ଶର୍ମା ବର୍ଡର ଗାଭାସ୍କର ଟ୍ରଫିର ପ୍ରଥମ ମ୍ୟାଚରୁ ନିଜକୁ ଦୂରେଇ ରଖିଥିଲେ । ତାଙ୍କର ପ୍ରଥମ ସନ୍ତାନର ଜନ୍ମ ହେତୁ ସେ ପର୍ଥ ଟେଷ୍ଟର ଅଂଶ ହୋଇପାରିନଥିଲେ । ସେ ଆଡିଲେଡରେ ଦ୍ୱିତୀୟ ଟେଷ୍ଟ ଖେଳିଥିଲେ । ଏଥିରେ ସେ ଫ୍ଲପ୍ ମଧ୍ୟ ହୋଇଥିଲେ । ସେ ଉଭୟ ଇନିଂସରେ ୩୮ ବଲ ସମ୍ମୁଖୀନ ହୋଇ ମାତ୍ର ୯ ରନ୍ ସଂଗ୍ରହ କରିଥିଲେ। ପୂର୍ବରୁ ରୋହିତ ଶର୍ମା ଟି-୨୦ ଇଣ୍ଟରନ୍ୟାସନାଲ କ୍ରିକେଟରୁ ଅବସର ନେଇସାରିଛନ୍ତି।
The worrying part was Rohit Sharma never looked like surviving the spell from Pat Cummins. Worked over & knocked out, his gloves now left lying in front of the dugout #AusvInd pic.twitter.com/u1WKIjdMKd
— Bharat Sundaresan (@beastieboy07) December 17, 2024
