ରାଜ୍ୟରେ ନାରୀ ନିର୍ଯାତନା ବଢିଛି: କଂଗ୍ରେସ

ଭୁବନେଶ୍ୱର: କଂଗ୍ରେସର ସାମ୍ବାଦିକ ସମ୍ମିଳନୀରେ   କଂଗ୍ରେସ ବିଦାୟକ ଦଳ ନେତା  ରାମଚନ୍ଦ୍ର କାଡାମ ବୟାନ ଦେଇଛନ୍ତି । କହିଛନ୍ତି, ରାଜ୍ୟରେ ବଢିଚାଲିଛି ନାରୀ ନିଯ୍ୟାତନା । ନାରୀ ସୁରକ୍ଷାକୁ ଗୁରୁତ୍ୱ ଦେଉଛି କଂଗ୍ରେସ । ଗୃହ କମିଟି ପାଇଁ ଦାବି କରିଥିଲୁ । ଆମର ୧୪ ବିଧାୟକଙ୍କ ପକ୍ଷରୁ ଦୃଢ ଦାବି କରାଗଲା । ଆମ ଇସ୍ୟୁ ଦେଖି  ସରକାର  ଭୟଭୀତ ହେଲେ । ବିଧାନସଭାକୁ ଚଳାଇବା ସରକାରଙ୍କ ଦାୟିତ୍ୱ । ଆମ ୧୪ ବିଧାୟକଙ୍କୁ ନିଲମ୍ବିତ କରାଗଲା । ଆମ ବିଧାୟକଙ୍କୁ ବିଧାନସଭାରୁ ବାହାର କରାଗଲା । ବିଧାନସଭାରୁ ବାହାର କରି ଫିଙ୍ଗି ଦିଆଗଲା , ମାଡ ମରାଗଲା । ଆଦିବାସୀ ଓ ଦଳିତ ଝିଅଙ୍କ ପ୍ରତି ଅନ୍ୟାୟ  ହେଉଛି । ମାଙ୍କ ସୁରକ୍ଷା , ବିଧାନସଭାର ସୁରକ୍ଷା ଜରୁରୀ । ଗୃହ କମିଟି ନହେଲେ ଆମେ ବିରୋଧ କରିବୁ । ପରେ ତାରାବାହିନୀ ପତି ମଧ୍ୟ ବୟାନ ରଖିଛନ୍ତି । କହିଛନ୍ତି , ଗଣତନ୍ତ୍ର ଏବେ ଅବ୍ୟବସ୍ଥା ଭିତରେ ରହିଛି । ଗଣତନ୍ତ୍ରକୁ ସୁରକ୍ଷା ଦେବା ଆମ ସମସ୍ତଙ୍କ କାମ । ବିଧାନସଭା ଚଳାଇବା ସରକାରଙ୍କ କାମ । ଯୋଜନା ବଦ୍ଧ ଭାବେ ୧୪ ବିଧାୟକଙ୍କୁ ନିଲମ୍ବିତ କରିଛନ୍ତି । ବିଜେପି ସହ ମିଶି ବିଜେଡି କାଲି ଆଲୋଚନା କଲା ।