କିରାଣିଙ୍କ ଭିଜିଲାନ୍ସ ଚଢାଉ

ଅନୁଗୁଳ: ପ୍ରାୟ ୨.୫ କୋଟି ଟଙ୍କାର ସରକାରୀ ପାଣ୍ଠି ହଡପ ଅଭିଯୋଗରେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟର କିରାଣୀ ସୁବ୍ରତ ବେହେରାଙ୍କୁ ଓଡିଶା ଭିଜିଲାନ୍ସ ଗିରଫ କରିଛି । ଭିଜିଲାନ୍ସର ୩ଟି ଟିମ ବର୍ତ୍ତମାନ ସୁସୁଡା ସ୍ଥିତ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିବା ତାଙ୍କ ବାସଭବନରେ ଚଢାଉ କରୁଛନ୍ତି । ସୂଚନା ଅନୁଯାୟୀ, ସୁବ୍ରତ ବେଆଇନ ଭାବରେ ତାଙ୍କ ଦରମା ବୃଦ୍ଧି କରିବା ପାଇଁ ରେକର୍ଡ ହେରଫେର କରିଥିଲେ । ଏବଂ ଅନେକ ଡାକ୍ତରଙ୍କୁ ମଧ୍ୟ ଠକିଥିଲେ । ଆକାଉଣ୍ଟାଣ୍ଟ ଭାବରେ କାର୍ଯ୍ୟ କରୁଥିବା ସମୟରେ ଆର୍ଥିକ ହେରଫେର ଅଭିଯୋଗରେ ହସ୍ପିଟାଲ ପକ୍ଷରୁ ତାଙ୍କ ବିରୁଦ୍ଧରେ ମାମଲା ରୁଜୁ ହେବା ପରେ କିରାଣି ଫେରାର ଥିଲେ । ଶେଷରେ ଭିଜିଲାନ୍ସ ତାଙ୍କୁ ଧରିବା ପାଇଁ ବହୁ ଚେଷ୍ଟା ପରେ ଗିରଫ କରିଥିଲେ । ସୁବ୍ରତଙ୍କ ଦ୍ୱାରା କରାଯାଇଥିବା ଆର୍ଥିକ ଅନିୟମିତତାର ପରିମାଣ ନିର୍ଣ୍ଣୟ କରିବା ପାଇଁ ଅଧିକ ତଦନ୍ତ ଚାଲିଛି ।