ବାଇକକୁ ଧକ୍କା ଦେଲା ଅଜଣା ଗାଡ଼ି: ଜଣେ ମୃତ

ସୁନ୍ଦରଗଡ଼: ବାଇକକୁ ଧକ୍କା ଦେଲା ଅଜଣା ଗାଡ଼ି। ବାଇକ୍ ଚୂରମାର। ଜଣେ ମୃତ, ଅନ୍ୟ ଜଣେ ଗୁରୁତର। ମୃତକ ହେଲେ ଲେଫ୍ରିପଡ଼ା ଥାନା ପିଠାଭୂଇଁର ଅନ୍ତ ଭଇଁସାଲ , ଗୁରୁତରଙ୍କ ନାଁ ଦିବ୍ୟ ଭଇଁସାଲ  ।  ଗର୍ଜନବାହାଲ ଟ୍ରକ୍ ୟୁନିଅନରେ କାମ କରୁଥିବା ଦୁଇ ଯୁବକ ନିଜ ବାଇକରେ ଗର୍ଜନବାହାଲ ଖଣି ଅଞ୍ଚଳକୁ କାମ କରିବାକୁ ଯାଉଥିଲେ। ହେମଗିର ଥାନା  ଡୁଡୁକା ଛକ ନିକଟରେ ଏକ ଅଜଣା ଗାଡ଼ି ଧକ୍କା  ଦେଇ ଚମ୍ପଟ ମାରିଲା।  ବାଇକରୁ ୨ ଜଣ  ଛିଟକି ପଡ଼ିଲେ। ଘଟଣାସ୍ଥଳରେ  ଅନ୍ତଙ୍କ ମୃତ୍ୟୁ ହୋଇଗଲା। ଗୁରୁତର ଦିବ୍ୟଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଡାକ୍ତରଖାନା ପଠାଇଥିବା ସୂଚନା ମିଳିଛି। ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା  ପ୍ରକାଶ ପାଇଛି। ଲୋକେ ପ୍ରତିବାଦରେ ରାସ୍ତା ଅବରୋଧ  କରିଛନ୍ତି।